Concern na may konting flex? Post ni Rosmar tungkol sa baha, bagyo inokray-Balita

Usap-usapan ng mga netizen ang Facebook post ng social media personality, negosyante, at tunatakbong konsehal sa Maynila na si Rosemarie "Rosmar" Tan-Pamulaklakin, matapos niyang mag-post patungkol sa nangyayaring pagbaha dulot ng bagyong Kristine, lalong-lalo na sa Bicol region.

Aniya kasi, habang natutulog daw siya sa malambot na kama at malamig ang temperatura dahil sa aircon ay may mga tao namang hindi malaman kung paano ililigtas ang sarili mula sa baha.

"ang hirap isipin na habang kami naka higa sa malambot na kama, kagigising lang at naka aircon, ang daming bata, matanda na di na alam paano ililigtas sarili sa Bicol dahil sa baha at bagyo," aniya.

Photo courtesy: Screenshot from Rosemarie Tan Pamulaklakin/FB

Bagama't walang ibig sabihin para kay Rosmar ang kaniyang post ay umani naman ito ng iba't ibang reaksiyon at komento mula sa netizens.

May mga nagsabing sana raw ay magpaabot ng tulong si Rosmar, tutal ay kilala naman siya sa pagtulong. May mga nagsabi ring dapat daw ay hindi na i-flex ni Rosmar kung anuman ang kinalalagyan niya ngayon dahil puwedeng "insensitive" ito sa panahon ngayon ng kalamidad.

"Sana all nakahiga sa malambot na kama, kagigising lang at naka aircon"

"Kaya bhe ang pagtakbo sa Pulitika dapat eh yung marunong gumawa ng batas at hindi lang basta naging star section pilot A kineso haaaa"

"Uhhmm edi sana all na lang sila sayo, ganon?"

"Pakidonate nalang po ng kama at aircon sa nangangailangan.. para Hindi na kayu mahirapan magisip.. jusko naman.. sinimplehan mo nalang sana.. praying for safety sa lahat.. ganern anteh.. kuha mo gigil namin.. .. masabihan nga ang bagyo sa bahay mo maglandfall.. tsk tsk"

"Pwede naman kasi iset-aside ang yabang. Konsensya at awa na lang muna para sa kapwa ang pinairal. Hindi pa rin talaga nakatiis na iangat ang sarili sa iba."

"Ang hirap din isipin na nasasabi mo yan,habang hindi ka nag iisip! awit bebe."

"Dito tayo sa maawain pero hindi makakalimutan ang mag-flex."

Ilang page din ang gumawa ng meme para sa kaniya, gaya ng "FTTM o Follow The Trend Movement" sa pamamagitan ng pag-edit sa post ni Rosmar.

"inayos na namin para sa ‘yo madam," anila.

Samantala, wala pang tugon, reaksiyon, o pahayag si Rosmar tungkol sa mga okray na natanggap niya mula sa netizens.

KAUGNAY NA BALITA: Rosmar, tatakbong konsehal sa Maynila: 'May nag-push po sa akin...'

#WalangPasok: Klase sa ilang mga lugar sa bansa, suspendido pa rin sa Oct. 25, 2024

Pinalawig ang suspensyon ng mga klase sa ilang mga lugar sa bansa bukas ng Biyernes, Oktubre 25, dahil sa patuloy na pananalasa ng bagyong Kristine.Narito ang mga lokal na pamahalaang nagkansela ng face-to-face classes:ALL LEVELS (public at private)ALBAY (buong lalawigan)BATANGAS- Batangas City- Lian- Padre GarciaBULACAN- Bulakan CAMARINES SUR (buong lalawigan) CAVITE (buong lalawigan)LAGUNA-...

PBBM admin, nagtatagumpay na sa pagbawas ng kahirapan sa PH – Romualdez

Para kay House Speaker Martin Romualdez, nagtatagumpay na ang administrasyon ni Pangulong Ferdinand “Bongbong” Marcos Jr. sa pagbawas ng kahirapan sa bansa matapos ilabas ng OCTA Research kamakailan ang resulta ng survey kung saan bumaba umano ang self-poverty rating ng mga Pilipino.Sa isinagawang survey ng OCTA mula Agosto 28 hanggang Setyembre 2, bumaba raw sa 5% ang bilang ng mga Pilipino...

Kristine’ nasa katubigan na ng Southern Ilocos Sur; 4 lugar sa Luzon, Signal No. 3 pa rin

Nakataas pa rin sa Signal No. 3 ang apat na lugar sa Luzon dahil sa bagyong Kristine na nasa coastal waters na ng Southern Ilocos Sur, ayon sa Philippine Atmospheric, Geophysical and Astronomical Services Administration (PAGASA) dakong 2:00 ng hapon nitong Huwebes, Oktubre 24.Sa update ng PAGASA, huling namataan ang Severe Tropical Storm Kristine sa coastal waters ng Santa Cruz, Ilocos Sur.Taglay...