Home

National

Banta ni VP Sara na itatapon mga labi ni Marcos Sr. sa WPS, labag sa batas – Remulla

October 21, 2024

DOJ Sec. Boying Remulla at VP Sara Duterte (Facebook; Santi San Juan/MB)

Banta ni VP Sara na itatapon mga labi ni Marcos Sr. sa WPS, labag sa batas – Remulla

By Mary Joy Salcedo

October 21, 2024

In BALITA National

Iginiit ni Department of Justice (DOJ) Secretary Boying Remulla na labag sa revised penal code ang naging pagbabanta ni Vice President Sara Duterte na itatapon niya ang mga labi ni dating Pangulong Ferdinand Marcos Sr. sa West Philippine Sea (WPS).

Matatandaang sa isang press conference noong Biyernes, Oktubre 19, isiniwalat ni Duterte na sinabihan umano niya si Senador Imee Marcos na itatapon niya ang katawan ng ama nilang si dating Pangulong Marcos Sr. sa WPS.

MAKI-BALITA: VP Sara, sinabihan si Sen. Imee na itatapon niya katawan ni Marcos Sr. sa West Philippine Sea

Kaugnay nito, sa panayam ng DZRH nitong Sabado, Oktubre 19, sinabi ni Remulla na nagulat siya sa mga binitiwang salita ni Duterte.

“Desecration of the dead 'yan. May violation sa Revised Penal Code ‘yan,” anang DOJ chief.

“Hindi rin nakakatawa yun eh. It does not speak of a sane and clear-thinking person. Iba na yun. Non-compos mentis (of unsound mind) na ‘yung pinangagalingan,” dagdag pa niya.

Hindi naman binanggit ni Remulla kung anong partikular na nilabag ni Duterte sa Revised Penal Code.

Habang isinusulat ito’y wala pang pahayag o reaksyon ang bise presidente sa naturang pahayag ni Remulla.

Remulla, inalmahan patutsada ni VP Sara kay PBBM: ‘Buti na lang ‘di tumakbong presidente!’

Inalmahan ni Department of Justice (DOJ) Secretary Boying Remulla ang naging pahayag ni Vice President Sara Duterte na ginusto niyang “pugutan ng ulo” si Pangulong Ferdinand “Bongbong” Marcos Jr., at sinabing hindi umano ito sasabihin ng taong matino ang pag-iisip.Matatandaang sa isang press conference noong Biyernes, Oktubre 19, tahasang sinabi ni Duterte na gusto niyang pugutan ng ulo si...

Sino-sino ang bagong 14 na santong kinilala ng Santo Papa sa iba’t ibang panig ng mundo?

Pinangalanan ni Pope Francis ang panibagong 14 na santo na siya umanong kikilalanin din ng lahat ng simbahang katoliko sa buong mundo.Sa kaniyang misa sa St. Peter’s Square noong Linggo, Oktubre 20, 2024, pinangunahan ng Santo Papa ang pag-canonize sa nasabing 14 na mga santo, kabilang na aniya ang tinatawag na “Martyrs of Damascus.”“They made themselves servants of their brothers and...

Matapos mag-viral sa Pinas: 19-anyos na piloto na si Ethan Guo, nilinaw relasyon kay Alice Guo

Tila hindi na nakatiis ang viral na 19-anyos na piloto na si Ethan Guo na magkomento hinggil sa relasyon niya kay dating Bamban, Tarlac mayor Alice Guo matapos ang pag-uurirat ng netizens sa kaniya.Naging laman ng balita si Ethan ng ilang local news media outlet kamakailan nang bumisita siya sa bansa bilang parte pa rin ng kaniyang ekspedisyon na maikot ang pitong kontinente sa buong mundo. Sa...