PBBM at FL Liza, lilipad pa-Jakarta sa Oct. 20

By Mary Joy Salcedo

October 19, 2024

In BALITA National

Lilipad patungong Jakarta sina Pangulong Ferdinand “Bongbong” Marcos Jr. at First Lady Liza Araneta-Marcos sa Linggo, Oktubre 20, upang dumalo sa inagurasyon nina Indonesian President-elect Prabowo Subianto at Vice President-elect Gibran Rakabuming.

Sa isang pahayag nitong Sabado, Oktubre 19, na inulat ng Manila Bulletin, ibinahagi ng Presidential Communications Office (PCO) na si Indonesian President Joko Widodo ang nag-imbita sa First Couple na dumalo sa inagurasyon.

Binanggit din ng PCO na nagpapakita rin ang magiging pagdalo nina PBBM at FL Liza ng mas pinaigtin ng bilateral relations ng Pilipinas at Indonesia.

"The attendance of President Marcos and the First Lady at the inauguration of the Indonesian President and Vice President reaffirms the deep and enduring friendship between the two nations, founded on close people-to-people ties," anang PCO.

"The President's attendance in the inauguration also signifies the Philippines' sincere commitment to further expand and deepen bilateral relations," dagdag nito.

Ang naturang nakatakdang pagbisita ni Marcos sa Indonesia sa Linggo ang ikaapat na beses mula nang maupo siya sa puwesto ng pagkapangulo noong 2022.

Ngayong taon naman ipinagdiriwang ang ika-75 taon ng diplomatic relations ng Pilipinas at Malaysia.

Ilang LGUs naglabas na ng guidelines para sa Undas 2024

Halos isang linggo bago sumapit ang Undas, ilang local government units (LGUs) na ang naglabas ng guidelines tungkol sa mga magiging panuntunan nila sa nasabing okasyon.Ang lungsod ng Maynila City, kung saan ang malalaking sementeryo katulad ng Manila North at South Cemetery ay nauna nang maglabas ng kanilang guidelines noon pang isang linggo.Sa kanilang opisyal Facebook account na Manila Public...

Akbayan kay VP Sara: ‘Ngayon na lang nagsalita sa WPS, ginamit pang patutsada sa kalaban!’

Mariing kinondena ni Akbayan Partylist Rep. Perci Cendaña ang paggamit ni Vice President Sara Duterte sa West Philippine Sea (WPS) bilang pagpapatutsada raw sa mga kalaban, dahil matagal na umanong tahimik ang bise presidente tuwing nakararanas ng “harassment” ang mga mangingisda doon.“She has been silent while our fishers faced harassment and our sovereignty was threatened. Now, in a...

Ex-VP Leni, binisita rin ni senatorial aspirant retired Col. Ariel Querubin

Maging si senatorial aspirant at retired marine colonel na si Ariel Querubin ay bumisita kay dating Vice President Leni Robredo sa Naga City.Matatandaang nitong Sabado ng umaga, Oktubre 19, nagbahagi si senatorial aspirant at Sagip party-list Rep. Rodante Marcoleta ng ilang mga larawan nila ni Robredo sa naging pagbisita raw niya rito nang magawi siya sa Naga.BASAHIN: Dante Marcoleta, binisita si...