PBBM, masayang nakasama si ex-VP Leni: ‘A step towards political reconciliation’

By Mary Joy Salcedo

October 18, 2024

In BALITA National

Tinawag ni Pangulong Ferdinand “Bongbong” Marcos Jr. na isang “very important step towards political reconciliation” ang naging pagsasama nila ni dating Vice President Leni Robredo sa Sorsogon nitong Huwebes, Oktubre 17.

Sa kaniyang talumpati nitong Biyernes ng umaga, Oktubre 18, pinasalamatan ni Marcos si Senate President Chiz Escudero na naging dahilan kaya’t nakasama niya sa maikling panahon si Robredo.

"Senate President Chiz Escudero, who has taken a very important step towards political reconciliation yesterday, well done,” pagbati ni Marcos kay Escudero.

“I’m so happy you did that," dagdag pa niya.

Naging usap-usapan nitong Huwebes ang naging pagkikita at pagkamayan nina Marcos at Robredo sa gitna ng inagurasyon ng Sorsogon Sports Arena.

Ayon kay Presidential Communications Office (PCO) Secretary Cesar Chavez, inimbitahan ni Escudero si Robredo sa nasabing inagurasyon para katawanin ang Bicol sa pag-welcome kay Marcos.

MAKI-BALITA: PBBM at ex-VP Leni, nagkamayan sa inagurasyon ng Sorsogon Sports Arena

Matatandaang naging magkalaban sa politika sina Marcos at Robredo mula pa noong 2016. Nanalo si Robredo sa pagka-bise presidente noong 2016, habang nanalo naman si Marcos sa pagkapangulo noong 2022 elections.

VP Sara, may listahan daw ng ‘5 impeachable offenses’ ni PBBM

Inihayag ni Vice President Sara Duterte na mayroon umano siyang listahan ng limang “impeachable offenses” ni Pangulong Ferdinand “Bongbong” Marcos Jr. na magpapaalis dito sa puwesto.Sa isang press conference nitong Biyernes, Oktubre 18, sinabi ni Duterte nang maupo raw siya sa pagka-bise presidente noong 2022 ay binasa niya ang tungkol sa impeachment dahil alam daw niyang isa siyang...

VP Sara, gustong pugutan ng ulo si PBBM dahil sa napahiyang estudyante

Tahasang sinabi ni Vice President Sara Duterte na gusto niyang pugutan ng ulo si Pangulong Bongbong Marcos Jr. dahil daw sa napahiyang estudyante noong dumalo sila ng isang graduation ceremony. Ikinuwento ito ng bise presidente sa isang press conference nitong Biyernes, Oktubre 18. Aniya, dumalo raw sila ni PBBM ng isang graduation ceremony noon.Bago niya ikuwento ang nangyari, alam naman daw ni...

VP Sara sa pahayag ni PBBM na nilinlang niya ito: 'Ang dami mong oras!'

“May panahon ka talaga na mag-isip na, ‘Uh, this girl’...”Binuweltahan ni Vice President Sara Duterte ang naging pahayag ni Pangulong Ferdinand “Bongbong” Marcos Jr. na nilinlang umano niya ito nang sabihin niyang hindi sila magkaibigan.Matatandaang sa panayam ng mga mamamahayag noong Biyernes, Oktubre 11, tinanong si Marcos hinggil sa kasalukuyan nilang relasyon ni Duterte.“I...