Billboard ni Benhur Abalos, pinuna ni Clarita Carlos

By Mary Joy Salcedo

October 15, 2024

In BALITA National

Pinuna ni dating national security adviser Clarita Carlos ang billboard ni dating Department of the Interior and Local Government (DILG) Secretary Benhur Abalos na tatakbo sa pagkasenador sa 2025 midterm elections.

Sa isang Facebook post nitong Martes, Oktubre 15, inilakip ni Carlos ang isang larawan ng billboard ni Abalos kung saan mababasa ang “KALABAN NG KRIMINAL, BENHUR ABALOS.”

“To my good friend and former partner at NTF ELCAC: please ask your graphic artist to make visible the PREPOSITION… if you get my drift… hahaha!” caption ni Carlos sa kaniyang post.

Base na rin sa komento ng netizens, tila nagmukha umanong “KALABAN KRIMINAL, BENHUR ABALOS” ang teksto ng billboard dahil sa mas maliit na text size ng preposition na “NG” sa pagitan ng “kalaban” at “kriminal.”

Habang sinusulat ito’y umabot na sa mahigit 4,700 reactions, 447 comments, at 273 shares ang naturang post ni Carlos.

Narito ang ilang mga komento ng netizens:

"Hahaha I saw it too! The preposition is very very vital po! Or else the message is quite the opposite!"

"Parang 'kadiliman/kasamaan' lang ang dating, Ma'am Clarita Carlos."

"Grabe Prof. Ang dami kong tawa dito."

Samantala, wala pang tugon si Abalos patungkol dito.

Matatandaang noong Agosto 7, 2024 nang maghain si Abalos ng kaniyang certificate of candidacy (COC) sa pagkasenador para sa susunod na halalan.

Isa ang dating DILG chief sa mga inendorso ng administrasyon ni Pangulong Ferdinand “Bongbong” Marcos Jr.

MAKI-BALITA: PBBM sa senatorial slate niya: 'This will lead us to a stronger, more prosperous PH'

Dahil sa kaniyang senatorial bid, nagbitiw si Abalos sa puwesto bilang kalihim ng DILG, at pinalitan naman siya ni Cavite Governor Jonvic Remulla.

MAKI-BALITA: Abalos, tiwala sa kakayahan ni bagong DILG Sec. Jonvic Remulla

Bilang ng mga pro-Marcos, tumaas; bumaba naman ang mga pro-Duterte – OCTA

Tumaas umano ang bilang ng mga Pilipinong itinuturing ang mga sarili bilang “pro-Marcos” habang bumaba naman ang mga Pinoy na “pro-Duterte,” ayon sa survey ng OCTA Research.Base sa Tugon ng Masa third quarter survey ng OCTA na inilabas nitong Lunes, Oktubre 14, 38% ng mga Pilipino ang sumusuporta sa administrasyon ni Pangulong Ferdinand “Bongbong” Marcos Jr. Mas mataas ito ng dalawang...

Asawa ni Harry Roque, nakaalis na ng bansa noon pang Setyembre – BI

Kinumpirma ng Bureau of Immigration (BI) na nakaalis na ng Pilipinas ang asawa ni dating Presidential Spokesperson Harry Roque na si Mylah Roque noon pang buwan ng Setyembre.Ayon sa BI nitong Martes, Oktubre 15, nakalabas ng bansa si Mylah noong Setyembre 3, 2024.Matatandaang Oktubre 11, 2024 nang mag-isyu ang House Quad Committee ng arrest order laban kay Mylah dahil sa tatlong beses nitong hindi...

143 Pinoy, pinagkalooban ng pardon ng UAE – PBBM

Ibinahagi ni Pangulong Ferdinand “Bongbong” Marcos Jr. na 143 mga Pilipino ang pinagkalooban ng pardon ng United Arab Emirates (UAE).Sa isang pahayag, binanggit ni Marcos ang napag-usapan nila ni UAE President Sheikh Mohamed bin Zayed nitong Lunes, Oktubre 14.Ayon sa pangulo, ipinaabot niya kay Zayed ang kaniyang pasasalamat sa mga tulong ng UAE sa Pilipinas sa nagdaang mga sakuna, at maging...