Asawa ni Harry Roque, pinaaaresto na rin ng Kamara

By Mary Joy Salcedo

October 11, 2024

In BALITA National

Pinaaaresto na rin ng House Quad Committee ang asawa ni dating presidential spokesperson Harry Roque na si Mylah Roque.

Sa isinagawang pagdinig ng komite hinggil sa extrajudicial killings (EJKs), ilegal na droga, at Philippine Offshore Gaming Operators (POGO) nitong Biyernes, Oktubre 11, pina-cite in contempt si Mylah dahil sa tatlong beses nitong hindi pagdalo sa hearing.

Inaprubahan ng House quad-committee ang mosyon ni Rep. Joseph Stephen "Caraps" Paduano na maglabas ng contempt order laban kay Mylah.

Samantala, matatandaang nauna nang naghain ang Kamara ng arrest order laban kay Harry. Noong Setyembre 12 nang ipa-cite in contempt ng House quad committee ang dating presidential spokesperson sa ikalawang pagkakataon matapos hindi sumipot sa pagdinig at kabiguang magsumite ng mga hinihinging dokumento sa Komite, tulad ng Statement of Assets, Liabilities, and Net Worth (SALN).

Ang pagdinig na isinagawa ng Komite ay hinggil imbestigasyon nito sa POGO na Lucky South 99, kung saan si Roque umano ang lumalabas na legal counsel nito.

MAKI-BALITA: Roque, ipina-cite in contempt dahil hindi isinumite ang SALN at iba pang dokumento sa House QuadCom

Matapos ilabas ang arrest order laban sa kaniya, nagtago si Roque, dahilan kaya’t tinawag siya ng chairperson ng quad-committee na si Surigao del Norte 2nd district Rep. Robert Ace Barbers na “pugante.”

Samantala, sa isang video message noong Setyembre 16, iginiit ni Harry na mahalaga raw ang kaniyang “kalayaan” kaya’t hindi na niya ito isusuko muli.

MAKI-BALITA: Harry Roque, 'di raw paaaresto: 'Hindi ko po isu-surrender muli ang aking kalayaan'

Hontiveros, pinaiimbestigahan napaulat na mga Pinay na ginagawang surrogates abroad

Naghain si Senador Risa Hontiveros ng resolusyon na naglalayong imbestigahan ng Senado ang mga naiulat na kaso ng mga Pinay na ginagawa umanong surrogate mothers sa ibang bansa.Sa isang Facebook post nitong Biyernes, Oktubre 11, ibinahagi ni Hontiveros, chairperson ng Committee on Women, Children, Family Relations, and Gender Equality, ang kopya ng Senate resolution No. 1211 para maimbestigahan...

Harry Roque, iboboto si Quiboloy bilang senador: ‘Kinikilala niya ang Panginoon’

Iginiit ni dating Presidential Spokesperson Harry Roque na kung maging opisyal na kandidato ay iboboto niya si Pastor Apollo Quiboloy bilang senador sa 2025 midterm elections dahil kinikilala umano nito ang Diyos.“Iboboto ko po si Pastor Quiboloy, bakit? Kasi po, unang-una, kahit ano pa ang kaniyang teolohiya, eh importante po na kinikilala niya ang Panginoon, at kinikilala niya na kailangan...

Sementeryo sa Albay, pinagbubutas; masangsang na amoy, umaalingasaw

Umalingasaw ang amoy ng isang sementeryo sa Libon, Albay matapos butusain ang ilang nitso dahil umano sa road widening.Ayon sa ulat ng News 5, nakatambad pa sa labas ng bawat butas na nitso ang ilang sako, laman ang mga kalansay na inalis doon. Ilang kaanak umano ng mga labi na binutas mula sa nitso at mga residenteng malapit sa naturang sementeryo ang nagreklamo umano dahil sa umaalingasaw daw...