Humingi na ng paumanhin si Kapuso singer-actress Julie Anne San Jose, matapos ang viral video niya ng performances sa harapan ng altar ng Nuestra Señora Del Pilar Shrine, Mamburao, Occidental Mindoro noong Oktubre 6, 2024.
KAUGNAY NA BALITA: Julie Anne San Jose, binatikos dahil sa 'pa-concert' sa loob ng simbahan
Sa pamamagitan ng isang Instagram story ngayong araw ng Huwebes, Oktubre 10, 2024, humingi ng paumanhin si Julie Anne sa lahat umano ng nagalit hinggil sa usapin ng pananampalataya.
“I am offering my apologies. Even though my only intentions were to share joy and give support to the church through the concert,” saad ni Julie Anne.
'Pinayanig mo ang Pilipinas!' Maris, naunahan daw mag-launch ni Jam?
Alam din daw ng singer na marami ang umano’y nagalit at nasaktan sa naturang benefit concert.
“Many have felt offended about the incident I was in and with my performance which caused distress,” aniya.
Matatandaang marami ang pumuna sa umano’y pagbirit at pagsayaw ni Julie Anne sa harapan ng altar na tila hindi angkop at pambabastos daw sa pananampalataya ng ilan.
“I truly sincerely apologize. This is a lesson learned and it is assured that it will not be repeated,” paniniguro ng singer.
Sa hulihan ng nasabing post, iginiit din niya na siya rin mismo ay may matinding paghawak sa kaniyang paniniwala at hiling umano niya na maka-move on na ang lahat sa naturang isyu.
“I have strong beliefs and my faith is unbreakable and cannot be shaken. I pray that we can all move forward with compassion in our hearts. Thank you.”
Noong Miyerkules, Oktubre 9, 2024 nang mauna nang maglabas ng pahayag ang Sparkle GMA Center hinggil sa isyu na humingi na rin ng paumanhin sa publiko at nangakong mas magiging maingat pa umano sila sa susunod.
KAUGNAY NA BALITA: Sparkle naglabas na ng pahayag kaugnay kay Julie Anne San Jose
Kate Garcia
