De Lima, suportado si ex-COA commissioner Mendoza bilang senador-Balita

Nagpahayag ng suporta si dating senador at Mamamayang Liberal Party-list nominee Leila de Lima para sa tinawag niyang “anti-corruption champion” na si dating Commission on Audit (COA) commissioner Heidi Mendoza na naghain ng kandidatura sa pagkasenador para sa 2025 midterm elections.

Noong Martes, Oktubre 8, nang isumite ni Mendoza ang kaniyang certificate of candidacy (COC) para sa pagkasenador sa The Manila Hotel Tent City.

Kaugnay nito, sa isang pahayag nitong Huwebes, Oktubre 10, sinabi ni De Lima na malaki ang magiging kontribusyon ni Mendoza sa Senado dahil sa track record daw niya lalo na sa pagsugpo sa korapsyon.

“An anti-corruption and good governance champion that she is, malaki at mahalaga ang mai-aambag ni Heidi Mendoza sa ating Senado,” ani De Lima.

“Her capabilities and track record as former COA Commissioner speak for themselves.”

Bukod dito, tinawag din ng dating senador ang dating komisyuner ng COA bilang “matalino at matapang” lalo na raw sa pagsasaayos ng budget ng mga nasa gobyerno.

“Makakaasa tayo ng reporma sa budget process. Masigasig niyang babantayan ang pera ng taumbayan,” saad ni De Lima.

“Di hamak na mas qualified sya sa marami pang ibang kandidato. She can very well be a 'dark horse' in the senatorial race,” dagdag pa niya.

Matatandaang si Mendoza ang state auditor na naglantad ng mga maanomalyang transaksyon sa Makati City government sa ilalim ng kani-kaniyang termino ng mag-asawang sina dating mayor Elenita at Jejomar Binay, tulad daw ng pagbili ng overpriced medical supplies at equipment, at ang mahal na pagpapatayo ng parking building ng city hall.

Isiniwalat din niya ang corrupt practices sa military tulad ng pagtestigo niya laban kay dating military comptroller Carlos Garcia na inakusahang nangulimbat ng maging P303 milyong ill-gotten wealth.

Pinamunuan din niya ang team kung saan naglantad na gumawa si dating Autonomous Region in Muslim Mindanao (ARMM) governor Atty. Zacaria A. Candao ng malversation na P21 milyon sa pondo ng gobyerno.

Bukod sa kaniyang mga taon sa COA, nagsilbi rin si Mendoza bilang undersecretary general ng United Nations Internal Oversight Services.

'Hindi ako nag-iisa sa laban' Abalos, hanga kay Pacquiao

Humahanga 'di umano si dating DILG secretary Benhur Abalos kay dating Senador Manny Pacquiao, na pawang tatakbo sa 2025 midterm elections. Sa isang social media post ni Abalos nitong Miyerkules, Oktubre 9, makikita ang larawan nina Abalos at Pacquiao.'Kasama ang People’s Champ Manny Pacquiao, alam kong hindi ako nag-iisa sa laban para sa bayan. Ako'y humahanga sa puso niya para...

Northern Samar, niyanig ng magnitude 4.3 na lindol

Niyanig ng magnitude 4.3 na lindol ang probinsya ng Northern Samar nitong Huwebes ng hapon, Oktubre 10, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 5:53 ng hapon.Namataan ang epicenter nito 117 kilometro ang layo sa hilagang-silangan ng Mapanas, Northern Samar, na may lalim na 9 kilometro.Wala...

Klase, pasok sa gobyerno sa Maynila at Pasay, suspendido sa Oct. 14 at 15

Sinuspinde ng Malacañang ang trabaho sa gobyerno at mga klase sa lahat ng antas sa Maynila at Pasay sa darating na Oktubre 14 at 15.Ito ay dahil sa gaganaping Asia-Pacific Ministerial Conference on Disaster Risk Reduction (APMCDRR) sa Philippine International Convention Center (PICC) sa Maynila mula Oktubre 14 hanggang Oktubre 18.'In the view of the numerous participants expected to travel...

De Lima, suportado si ex-COA commissioner Mendoza bilang senador

De Lima, suportado si ex-COA commissioner Mendoza bilang senador

Inirerekomendang balita

'Hindi ako nag-iisa sa laban' Abalos, hanga kay Pacquiao

Northern Samar, niyanig ng magnitude 4.3 na lindol

Klase, pasok sa gobyerno sa Maynila at Pasay, suspendido sa Oct. 14 at 15

Features

Opinyon