May nandura? Komosyon sa pagitan ng UP, La Salle coaches, lumala!-Balita

May nandura? Komosyon sa pagitan ng UP, La Salle coaches, lumala!

Hindi pa tapos ang komosyon sa pagitan ng top seeded teams na University of the Philippines Fighting Maroons at De La Salle Green Archers matapos lumutang ang alegasyong isang coach umano ang nandura sa braso ng isang player.

Matatandaang bahagyang nahinto ang dikdikang laban ng UP at La Salle noong Linggo, Oktubre 6, 2024 matapos magkagirian ang coaching staffs ng dalawang koponan sa hindi tukoy na dahilan.

Sa kasagsagan kasi ng post-game interview, naging matipid ang sagot ng dalawang koponan hinggil sa tunay na dahilan ng nasabing komosyon.

KAUGNAY NA BALITA: ‘Hindi na raw tungkol sa basketball;’ Coaching staff ng La Salle, UP, nagkaduruan!

Samantala, ilang videos naman ang nagkalat sa social media na umano’y nagpapakitang dinuruan umano ni DLSU Green Archers Head Coach Topex Robinson si UP guard Reyland Torres.

Ayon sa ulat ng isang lokal media outlet, si Torres umano ang naunang magsimula ng gulo matapos ang tila pag-bad mouth daw niya habang nakatakip ang jersey sa bibig, na siya umanong naging dahilan kung bakit siya sinigawan ni Topex.

Hanggang ngayon, hindi pa rin naglalabas ng panayam ang naturang head coach ng La Salle.

Pormal na rin umanong naghain ng reklamo ang Fighting Maroons na nagsumite na raw ng formal letter University Athletic Association of the Philippines (UAAP) Executive Director Rebo Saguisag noong Martes, Oktubre 8, 2024.

Ayon kay UP assistant coach Christian Luanzon, bukod sa letter of complaint, may kasama umanong kopya ng video ang kanilang isinumite sa board na kanila umanong nakalap bilang ebidensya.

“Basically, ang pinakalaman noong letter na ‘yun obviously is to review ‘yung nangyari nung third quarter, and, if I am not mistaken, at the same time, nagpadala rin kami ng video na na-gather namin,” saad ni Luanzon sa panayam sa isang local radio show noong Oktubre 8, 2024.

Hangad umano ng tropa ng Fighting Maroons na masuspinde si Topex sa loob ng dalawang laro.

Kate Garcia

Eastern Samar, niyanig ng magnitude 4.0 na lindol

Niyanig ng magnitude 4.0 na lindol ang probinsya ng Eastern Samar dakong 12:56 PM nitong Linggo, Disyembre 22, ayon sa Philippine Institute of Volcanology and Seismology (Phivolcs).Base sa tala ng Phivolcs, tectonic ang pinagmulan ng lindol.Namataan ang epicenter nito 23 kilometro ang layo sa timog-kanluran ng Homonhon Island sa Guiuan, Eastern Samar, na may lalim na 51 kilometro.Wala namang...

Bagyo sa labas ng PAR, pinangalanan nang ‘Romina’; Signal #1, itinaas sa Kalayaan Islands

Bagama’t hindi pa tuluyang nakapapasok sa loob ng Philippine area of responsibility (PAR), pinangalanan na ang bagyo sa timog na bahagi ng Palawan sa local name nitong “Romina” matapos magtaas ang Philippine Atmospheric, Geophysical and Astronomical Services Administration (PAGASA) ng Signal No. 1 sa Kalayaan Islands.Sa tala ng PAGASA kaninang 11:00 ng umaga, huling namataan ang Tropical...

Sen. Pimentel nanawagan sa DTI; presyo ng noche buena items, pinababantayan

Kinalampag ni Sen. Koko Pimentel ang Department of Trade and Industry (DTI) hinggil sa presyo ng mga noche buena items ngayong Kapaskuhan. Sa inilabas na press release ng senador noong Sabado, Disyembre 21, 2024, nanawagan siya sa DTI na bantayan ang kapakanan ng mga Pilipino laban sa mga umano’y mapang-abusong negosyante. “Ang Pasko ay panahon ng pagmamahal at pagbabahagi. Dapat matiyak...