ITCZ, magdadala ng mga pag-ulan sa malaking bahagi ng bansa

By Mary Joy Salcedo

October 06, 2024

In BALITA National

Inaasahang magdadala ng mga kalat-kalat na pag-ulan ang Intertropical Convergence Zone (ITCZ) sa malaking bahagi ng bansa ngayong Linggo, Oktubre 6, ayon sa Philippine Atmospheric, Geophysical and Astronomical Services Administration (PAGASA).

Sa tala ng PAGASA dakong 4:00 ng umaga, malaki ang tsansang makaranas ng maulap na kalangitan na may kalat-kalat na pag-ulan at thunderstorms ang Bicol Region, Visayas, Caraga, Northern Mindanao, Zamboanga Peninsula, at Palawan.

Posible raw ang pagbaha o kaya nama'y pagguho ng lupa sa mga nasabing lugar tuwing magkakaroon ng katamtaman hanggang malalakas na pag-ulan.

Samantala, inaasahang makararanas ng bahagyang maulap hanggang sa maulap na may tiyansa ng isolated rainshowers o thunderstorms sa Ilocos Region, Cordillera Administrative Region, Cagayan Valley, at Central Luzon dahil sa localized thunderstorms.

Medyo maulap hanggang sa maulap na may tiyansa ng isolated rainshowers o thunderstorms din ang inaasahang mararanasan sa Metro Manila at mga natitirang bahagi ng bansa dulot pa rin ng ITCZ.

Maaari rin magkaroon ng pagbaha o pagguho ng lupa rito tuwing magkakaroon ng malalakas na thunderstorms, ayon sa weather bureau,

Sa kasalukuyan ay may binabantayang low pressure area (LPA) ang PAGASA sa loob ng Philippine area of responsibility (PAR), ngunit mababa naman daw ang tsansang mabuo ito bilang isang bagyo.

Ben Tulfo, itinangging may ‘political dynasty’ kapag 3 Tulfo naluklok sa Senado

'We don’t have any district.”Itinanggi ng broadcaster at senatorial aspirant na si Ben Tulfo, kapatid ni Senador Raffy Tulfo at kapwa senatorial aspirant Erwin Tulfo, na lilikha ng “political dynasty” ang kaniyang pagnanais na mahalal bilang senador ng bansa.Sa kaniyang pagharap sa media nang maghain ng certificate of candidacy (COC) sa The Manila Hotel Tent City nitong Sabado,...

Jimmy Bondoc, isang kaibigan, loyal kay ex-Pres. Duterte

Nausisa ang katapatan ng singer at abogadong si Jimmy Bondoc kay dating Pangulong Rodrigo Duterte nang maghain siya ng kandidatura sa pagkasenador ngayong Linggo, Oktubre 6, sa The Manila Hotel Tent City.Sa panayam ng media kay Bondoc, sinabi niyang kaibigan umano niya si Duterte at layunin niyang patibayin ang “best of the best ng Duterte principle.”“Siya po ay aking kaibigan at ang isa po...

Davao Oriental, niyanig ng magnitude 4.0 na lindol

Niyanig ng magnitude 4.0 na lindol ang probinsya ng Davao Oriental nitong Linggo ng madaling araw, Oktubre 6, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 4:22 ng madaling araw. Namataan ang epicenter nito 12 kilometro ang layo sa timog-kanluran ng Lupon, Davao Oriental, na may lalim na 19...