De Lima, hinamon si Roque na sumuko: 'Hindi 'yung nagtatapangan lang siya!'-Balita

Hinamon ni dating Senador Leila de Lima si dating Presidential spokesperson Harry Roque na huwag “magtatapag-tapangan” bagkus ay sumuko na kung wala naman daw siyang tinatago.

Sa kanilang paghain ng certificate of nomination and acceptance (CONA) ng Mamamayang Liberal Party-list (ML) kung saan siya ang first nominee, iginiit ni De Lima na dapat lang na magpakita na si Roque dahil kung siya nga raw noon ay humarap sa batas kahit gawa-gawa lamang umano ang kaniyang mga naging kaso.

"Ako nga hinarap ko eh, kahit gawa-gawang kaso. Hinarap ko 'yung batas. I respected the rule of law, I went through the whole process even if it was so painful and tedious on may part," ani De Lima.

"Dapat ganun. Kung wala kang kasalanan, wala kang tinatago, harapin mo nang buong tapang. Hindi 'yung nagtatapangan lang siya by means of nagla-live feed na lang siya”

"Iniinsulto pa niya ang ating mga law enforcers," saad pa niya.

Matatandaang nagsampa ng kaso ang administrasyon ni dating pangulong Rodrigo Duterte ng tatlong drug-related charges laban kay De Lima, na naging hayagang kritiko ng nangyaring war on drugs sa bansa.

Kaugnay nito, iginiit ng noo’y presidential spokesperson na si Roque na dapat umanong makulong habambuhay si De Lima.

Matapos ang mahigit anim na taong pagkakapiit ay napawalang-sala naman si De Lima sa naturang tatlong kasong ibinato laban sa kaniya.

"Siguro naman na-realize na niya kung gaano kamali ang mga nasabi niya tungkol sa akin, sa mga ginawa niya sa akin, I think he should realize that,” ani De Lima na pinatutungkulan si Roque.

“So really, marunong talaga ang Diyos,” saad pa niya.

Matatandaang noong Setyembre 12 nang ipa-cite in contempt ng House quad committee si Roque sa ikalawang pagkakataon matapos hindi sumipot sa pagdinig at kabiguang magsumite ng mga hinihinging dokumento sa Komite, tulad ng Statement of Assets, Liabilities, and Net Worth (SALN).

Ang pagdinig na isinagawa ng Komite ay hinggil imbestigasyon nito sa POGO na Lucky South 99, kung saan si Roque umano ang lumalabas na legal counsel nito.

MAKI-BALITA: Roque, ipina-cite in contempt dahil hindi isinumite ang SALN at iba pang dokumento sa House QuadCom

Matapos ilabas ang arrest order laban sa kaniya, nagtago si Roque, dahilan kaya’t tinawag siya ng chairperson ng quad-committee na si Surigao del Norte 2nd district Rep. Robert Ace Barbers na “pugante.”

Samantala, sa isang video message nitong Lunes, Setyembre 16, iginiit ni Roque na mahalaga raw ang kaniyang “kalayaan” kaya’t hindi na niya ito isusuko muli.

MAKI-BALITA: Harry Roque, 'di raw paaaresto: 'Hindi ko po isu-surrender muli ang aking kalayaan'

'It's time!' Middle class, pagtutuunan ng pansin ni Erwin Tulfo sa senado

Ibinahagi ni broadcast-journalist at dating Department of Social Welfare and Development (DSWD) Secretary Erwin Tulfo ang ilan sa mga magiging pokus niya sa oras na siya ay manalo bilang senador sa 2025 midterm elections.Sa panayam kasi ng media kay Erwin nang maghain siya ng certificate of candidacy (COC) ngayong Linggo, Oktubre 6, sa The Manila Hotel Tent City, naitanong sa kaniya kung ano raw...

‘Bakuna Eskwela’ program ng DOH, DepEd, aarangkada

Nakatakda nang ilunsad ng Department of Health (DOH) at Department of Education (DepEd) ang “Bakuna Eskwela” na magsisimula sa Lunes, Oktubre 7, 2024.Sa ulat ng Manila Bulletin, ang naturang programa na “Bakuna Eskwela,” o School-Based Immunization (SBI), ay isang programa ng DOH at DepEd upang protektahan ang mga mag-aaral mula sa mga sakit tulad ng tigdas, rubella, tetanus, diphtheria,...

Hazing, muling isinusulong na wakasan!

Muling nabuhay ang mga panawagang wakasan ang hazing matapos hatulan ng Manila Court ng reclusion perpetua, o hanggang 40 taong pagkakakulong, ang 10 miyembro ng Aegis Juris fraternity na responsable sa pagkamatay ni Horacio “Atio” Castillo III.Si Castillo, isang freshman law student sa University of Santo Tomas, ay nasawi noong 2017 dahil sa matinding pinsalang natamo mula sa hazing rites ng...