Ex-Pres. Rodrigo Duterte, tatakbong mayor sa Davao City; ayaw tumakbong senador?-Balita

Sa kabila ng mga panghihikayat na tumakbong senador sa 2025 midterm elections, inanunsyo ni dating Pangulong Rodrigo Duterte na tatakbo siyang mayor ng Davao City, habang ang anak naman niyang si incumbent Mayor Sebastian "Baste" Duterte ay tatakbong vice mayor.

Sinabi rin ni Duterte na posible umanong maging ka-tandem niya si Baste.

Kaugnay sa usaping politika, binanggit din ng dating pangulo na hindi na niya kayang tumakbo bilang senador dahil na rin umano sa kaniyang edad na 73.

"Kilala ninyo naman ako, I've been a mayor for so many years now. You think that I can carry a national campaign at my age or you want me to die? Magco-collapse na ako niyan e,” pahayag ni Duterte sa isang press conference sa Davao City nitong Sabado ng gabi, Oktubre 5.

Kung babalikan, mahigit dalawang dekada rin umano naging Davao City mayor si Duterte bago maging pangulo noong 2016.

Samantala nito lamang Hunyo 2024 nang ihayag ni Vice President Sara Duterte na tatlong Duterte ang tatakbo sa 2025. Kabilang dito ang amang si dating Pangulong Rodrigo Duterte, kapatid na si Congressman Paolo "Pulong" Duterte, at Davao City Mayor Sebastian "Baste" Duterte.

BASAHIN: Tatlong Duterte, tatakbo sa pagka-senador sa 2025

Nitong Agosto naman ibinahagi ni dating presidential legal counsel Salvador Panelo ang advice niya kay Duterte tungkol sa politika.

"Sabi ko, tumakbo kang mayor, and then sa 2028, mag-resign ka tumakbo kang vice president ng anak mo. 'Pag Duterte-Duterte, maniwala ka, lahat ng mga kaalyado mo na bumaliktad lahat, babalik sa'yo 'yan bago magkaroon ng halalan. Bakit? Siguradong kayo ang panalo. Napakalakas n'yong mag-ama. Walang makakatalo sa inyo kahit ano pang gawin," ani Panelo.

BASAHIN: DUTERTE-DUTERTE sa 2028? Panelo, pinupush ang tandem ng mag-amang Duterte

Sa ikatlong araw ng COC filing, nakikiusap umano si Senador at PDP-Laban president Robin Padilla kay dating Pangulong Rodrigo Duterte na tumakbong senador sa 2025 midterm elections.

BASAHIN: Sen. Padilla, nakikiusap kay ex-Pres. Duterte na tumakbong senador sa 2025 elections

COC Filing Day 5: Mga naghain ng kandidatura ngayong Oktubre 5

Naglabas ng listahan ang Commission on Elections (Comelec) ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Sabado, Oktubre 5, ang ikalimang araw ng filing.Ngayong araw, 12 kandidato sa pagkasenador ang naghain ng COC, habang 23 party-lists ang naghain ng kanilang CONA.SENATORIAL...

Ben Tulfo sa pagtakbo rin niya bilang senador: ‘This is another Tulfo’

Sa kaniyang pagtakbo bilang senador, inihayag ng veteran broadcaster na si Ben Tulfo ang kaniyang kaibahan sa kaniyang mga kapatid na sina Senador Raffy Tulfo at kapwa senatorial aspirant Erwin Tulfo.Nitong Sabado, Oktubre 5, nang maghain si Ben ng kaniyang certificate of candidacy (COC) sa The Manila Hotel Tent City.Sa pagharap sa media ay tinanong ang beteranong broadcaster kung ano ang kaniyang...

Diwata, nabudol nga ba ng sinalihang party-list?

Nagbigay ng opinyon si showbiz insider Ogie Diaz kaugnay sa paghahain ni Deo Balbuena o “Diwata” ng certificate of nominations and acceptance (CONA) para sa Vendors Partylist..Sa latest episode ng “Showbiz Updates” kamakailan, sinabi ni Ogie na naloka raw siya na pumayag si Diwata na maging 4th nominee ng nasabing party-list.“Siyempre dahil baguhan ang party-list na ito ni Diwata,...

Ex-Pres. Rodrigo Duterte, tatakbong mayor sa Davao City; ayaw tumakbong senador?

Ex-Pres. Rodrigo Duterte, tatakbong mayor sa Davao City; ayaw tumakbong senador?

Inirerekomendang balita

COC Filing Day 5: Mga naghain ng kandidatura ngayong Oktubre 5

Ben Tulfo sa pagtakbo rin niya bilang senador: ‘This is another Tulfo’

Diwata, nabudol nga ba ng sinalihang party-list?

Features

Opinyon