‘Julian’ isa na lamang LPA; nasa labas na ng PAR

By Mary Joy Salcedo

October 04, 2024

In BALITA National

Tuluyan nang humina at naging isang low pressure area (LPA) si “Julian” at nasa labas na rin ito ng Philippine area of responsibility (PAR), ayon sa Philippine Atmospheric, Geophysical and Astronomical Services Administration (PAGASA) dakong 11:00 ng umaga nitong Biyernes, Oktubre 4.

Sa tala ng PAGASA, humina patungo sa pagiging LPA ang dating bagyong Julian na may international name na “Krathon.”

Huling namataan ang LPA sa layong 480 kilometro sa hilagang bahagi ng Itbayat, Batanes o sa vicinity ng Neihu District, Taiwan.

Kumikilos ito pahilaga sa bilis na 45 kilometers per hour.

Dahil dito, wala nang nakataas na tropical cyclone wind signal sa alinmang bahagi ng bansa.

“The remnant circulation of JULIAN is forecast to merge with the frontal system over Taiwan area,” saad ng PAGASA.

“With this development and unless re-entry occurs, this is the final tropical cyclone bulletin,” dagdag nito.

Paglaban sa mga 'pusit,' iiwang legasiya ni Rep. Castro sa kongreso

‘BAWAL PO ANG PUSIT!’Tinanong si ACT Teachers party-list Representative France Castro kung ano raw ang maiiwan niyang legasiya sa kongreso nang maghain siya ng kandidatura sa pagkasenador ngayong Biyernes, Oktubre 4, sa The Manila Hotel Tent City.Sa panayam ng media kay Castro, sinabi ng kongresista na ang pakikipaglaban umano sa mga “pusit” ang legasiyang sa tingin niya ay maiiwan niya sa...

Gringo Honasan, tatakbong senador sa 2025; maghahain ng COC sa bago matapos ang filing

Inanunsyo ni dating Senador Gringo Honasan ang kaniyang pagnanais na bumalik sa Senado sa pamamagitan ng kaniyang pagtakbo sa 2025 midterm elections.Sa isang pahayag nitong Biyernes, Oktubre 4, sinabi ni Honasan na ihahain niya ang kaniyang certificate of candidacy (COC) sa darating na Lunes, Oktubre 7.Kapag makabalik sa Senado, ipinangako ni Honasan na isusulong niya ang pagpapasa ng isang bagong...

Hontiveros, umaasang wala nang ‘another Alice Guo’ na tatakbo sa 2025

“Hindi na dapat mangyari ito!”Ito ang binigyang-diin ni Senador Risa Hontiveros matapos niyang ipahayag na wala na raw sanang katulad ni dismissed Bamban, Tarlac Alice Guo na tumakbo sa 2025 midterm elections.Sa isang pahayag nitong Huwebes, Oktubre 3, iginiit ni Hontiveros na “malaking insulto” sa institusyon ng Pilipinas na may naging alkalde ng isang bayan na “foreign national.”“I...