Willie Ong, naghain na ng COC sa pagkasenador para sa 2025 midterm elections

By MJ Salcedo

October 03, 2024

In BALITA

Sa pamamagitan ng kaniyang asawang si Doc. Liza Ong, nakapaghain na ng certificate of candidacy (COC) si senatorial aspirant Doc. Willie Ong para sa 2025 midterm elections nitong Huwebes, Oktubre 3.

Ang naturang paghahain ng kandidatura ni Doc. Willie ay sa gitna ng kaniyang pagpapagamot sa sakit niyang sarcoma cancer.

Dumating si Doc. Liza, kasama ang legal counsel nitong si Gilbert Lauengco at si senatorial candidate Wilbert Lee sa The Manila Hotel Tent City nitong Huwebes ng umaga.

Sa kaniyang pahayag, pinasalamatan ni Doc. Liza ang mga nagdadasal daw para sa paggaling ng kaniyang asawa.

“Maraming salamat po sa lahat ng nagdasal for Doc. Willie Ong,” emosyunal na saad ni Doc. Liza.

Ayon naman kay Atty. Lauengco, tiwala raw si Doc. Willie na magagampanan niya nang maayos ang kaniyang trabaho bilang senador kapag nanalo siya sa susunod na halalan.

“He is very confident that he will be physically fit in the event that he wins, to perform the duties of a senator. One as a doctor and one as a firm believer of what he can do and of what God can do for everyone,” ani Lauengco.

Matatandaang kamakailan lamang nang ianunsyo ni Doc Willie Ong na tatakbo siya bilang senador sa 2025 midterm elections para umano sa mga Pilipino.

“Tatakbo tayo. Ipapakita natin na tunay ang Diyos. This time we're gonna win this," ani Doc. Willie sa isang pahayag kamakailan.

MAKI-BALITA: Doc Willie Ong, tatakbong senador sa 2025 elections: 'This time we're gonna win this'

Sen. Go, naniniwala bang maipapanalo ulit ng 'Duterte magic?'

Natanong si Sen. Bong Go na isang reelectionist para sa 2025 midterm elections kung sa tingin niya ay maipapanalo pa siya ng tinatawag na 'Duterte magic' gayundin ang mga kapwa kandidatong inendorso ni dating Pangulong Rodrigo Duterte, na sina kapwa reelectionist Sen. Ronald 'Bato' Dela Rosa at aktor na si Phillip Salvador, sa kabila raw ng 'demolition job' na...

Phillip Salvador sa pagtakbo bilang senador: ‘Nalalaman ko hinaing ng mga tao’

Ipinahayag ng aktor na si Phillip Salvador na tatakbo siya bilang senador sa 2025 midterm elections dahil nalaman daw niya ang hinaing ng mga tao sa loob ng ilang taon niyang pag-iikot sa Pilipinas.Sa kaniyang paghain ng certificate of candidacy (COC) nitong Huwebes, Oktubre 3, tinanong si Salvador kung ano ang kaniyang karanasan na maaaring maging batayan ng mga botante para iboto siya bilang...

Dela Rosa, kinokontak daw ng ICC pero binabalewala raw nila

Ipinahayag ni reelectionist Senador Ronald 'Bato' Dela Rosa na may mga kumokontak daw sa kaniyang opisina na mula umano sa International Criminal Court (ICC) pero binabalewala raw nila ito.Bagama't wala raw nag-reach out sa kaniya na ICC prosecutor pero may mga kumokontak daw sa kaniyang opisina na mula umano sa ICC.'May mga kumokontak sa opisina pero ini-ignore pa namin dahil...