Reelectionist Sen. Imee Marcos, naghain na ng COC kasama si dating FL Imelda

By Nicole Therise Marcelo, Ralph Mendoza

October 02, 2024

In BALITA Eleksyon

Naghain na ng certificate of candidacy (COC) si reelectionist Senador Imee Marcos ngayong Miyerkules, Oktubre 2, kasama ang kaniyang ina na si dating First Lady Imelda Marcos.

Si Marcos ay tatakbo sa ilalim ng Nacionalista Party ngunit nilinaw niyang hindi siya kaalyado ng anumang grupo.

"Hindi po ako kaalyado ng anunmang pangkat, anumang sektor, anumang grupo kaya tinataya ko na ako'y mananatiling malaya at matatag," saad ng senadora.

Samantala, sinagot din ni Marcos kung tatanggapin ba niya kung sakali ang endorsement ni Vice President Sara Duterte.

"Hindi natin alam. Ang hinihiling ko 'yung endorsement ng lahat. Sana talaga tuloy-tuloy ang pagsusuporta at pagmamahal sa akin," aniya.

Matatandaang inendorso siya ng kapatid niyang si Pangulong Bongbong Marcos bilang senatorial candidate ng administrasyon sa 2025 elections. Gayunman, sinabi ni Sen. Imee na titindig siyang mag-isa sa darating na halalalan.

BASAHIN: Sen. Imee Marcos, piniling tumindig mag-isa sa 2025 elections

Dating magka-tandem Lacson at Sotto, magkasamang naghain ng COC sa pagka-senador

Magkasamang naghain ng Certificate of Candidacy (COC) sa pagka-senador sina dating Senate President Vincent 'Tito' Sotto at dating Senador Panfilo 'Ping' Lacson ngayong Miyerkules, Oktubre 2, sa The Manila Hotel Tent City.Si Sotto ay tatakbo sa ilalim Nationalist People's Coalition (NPC) habang si Lacson naman ay guest candidate ng NPC. Matatandaang naging magka-tandem...

Catanduanes, niyanig ng magnitude 6.1 na lindol

Niyanig ng magnitude na 6.1 na lindol ang probinsya ng Catanduanes nitong Miyerkules ng umaga, Oktubre 2.Sa inilabas na impormasyon ng Phivolcs nitong 10:42 ng umaga, naganap ang lindol sa Bagamanoc, Catanduanes bandang 5'19 ng umaga, na may lalim na 35 kilometro. Dagdag pa ng ahensya, tectonic ang pinagmulan ng lindol.Naitala ang intensities sa mga sumusunod na lugar: Intensity IV - Virac,...

Mga motorista sa China, ‘naulanan’ ng dumi ng tao mula sa isang sumabog na pipeline

Kakaibang 'fountain' ang sumalubong sa ilang motorista sa Nanning sa Guangxi, China matapos sumabog ang bagong sewage pipe na naglalaman umano ng mga dumi ng tao. Nagkalat pa rin sa social media ang iba’t ibang video mula sa dashcam ng mga apektadong motorista kung saan makikita ang mataas na pagsabog ng pipeline na aabot umano sa 10 metro ang taas na sinabayan ng kulay putik na tubig...