'Di po 'yan sa abroad, sa Pinas 'yan!' ₱45M Valenzuela Boardwalk, hinangaan

By Richard De Leon

September 24, 2024

In BALITA

Bukas na sa publiko ang ipinagmamalaking "Valenzuela Boardwalk" ng lokal na pamahalaan ng Valenzuela City, ayon sa kanilang post sa opisyal na Facebook page noong Setyembre 21.

"Clear your mind. Go for a run, ride a bike, or take a walk in The Valenzuela Boardwalk!" mababasa sa kanilang post.

"Introducing the newest recreational space in Valenzuela City! A 1.3 kilometer flood wall and linear park spanning Barangays Coloong, Tagalag, and Wawang Pulo, the Valenzuela Boardwalk will be your new tranquil oasis for whenever you need a breather."

"The Valenzuela Boardwalk is open daily from 5:00 AM to 10:00 PM. See you there!" dagdag pa.

Iginiit din ng lokal na pamahalaan na walang bayad ang pagtungo at pamamasyal doon, at bisikleta lamang ang papayagan at hindi maaari ang motorsiklo.

Ibinida rin ng mayor ng Valenzuela City na si Mayor Wes Gatchalian.

"Bukas na ang pinakabagong flood wall at recreational space sa lungsod — ang 1.3 kilometrong Valenzuela Boardwalk!" anang Gatchalian.

Umani naman ito ng iba't ibang reaksiyon at komento mula sa netizens.

"Sana ipag bawal ang motor at bike para makapag walk trip ng maayos mga matatanda at bata at pwedi rin mag Jogging."

"Salute to all of you Gatchalian brothers!!! Thanks so much for your time and effort to make Valenzuela City more beautiful places where people enjoyed and relaxed. Keep up the great work and keep doing your best!! God bless you more..."

"Been there...masarap maglakad, tambay at pahangin jan...sana lng maging responsable din mga tao at i-maintain ang kalinisan..maglagay nga po pala sana ng mga cr para sa mga biglang tinawag ni mother earth sa sobrang haba po kc ng boardwalk dpat meron tlg niyan. Suggestion lbg nman po..."

"Sana lang may mga rumorondang guards para iwas krimen, masyadong mahaba and malawak din kasi."

"Kudos, Mayor Wes!"

Sa opening ceremony nito ay nagkaroon ng "Valenzuela Marathon" na dinaluhan ng halos 200 senior citizens. Nagkaroon din ng free go-karting activity sa mga batang edad 4 hanggang 7.

Sarah Elago, first nominee ng Gabriela sa 2025 elections

Ibinahagi ng Gabriela Women’s Party-list na si dating Kabataan Party-list Rep. Sarah Elago ang kanilang unang nominee para sa 2025 national elections.Sa pamamagitan ng isang Facebook post nitong Martes, Setyembre 24, ay inilahad ng Gabriela ang kanilang nominees kung saan si Elago ang nangunguna rito.Si Elago ay dating kongresistang kinatawan ng Kabataan at ngayo’y nagsisilbi bilang policy...

'Maraming' kongresista, nais nang pababain si VP Sara sa puwesto -- Rep. Suarez

'Hindi na interesado sa trabaho?'Inihayag ni House Deputy Speaker at Quezon 2nd district Rep. David 'Jay-jay' Suarez na 'marami' umano sa kaniyang mga kasamahang kongresista ang gustong hilingin kay Vice President Sara Duterte na 'bumaba' sa puwesto kaugnay ng kaniyang mga aksyon sa nagpapatuloy na budget plenary debates.'That's clearly a--a clear...

Lamentillo, nagwagi ng ImpactAI scholarship sa One Young World Global Summit 2024 sa Montréal

Si Anna Mae Yu Lamentillo, Founder at Chief Future Officer ng NightOwlGPT, ay dumalo sa One Young World Global Summit 2024 sa Montréal, Canada, bilang isa sa limang napili para sa prestihiyosong ImpactAI Scholarship na ipinagkaloob ng The BrandTech Group.Mula sa 1,800 aplikante para sa scholarship at 70,000 aplikante para sa summit, napili si Lamentillo dahil sa kanyang makabagong trabaho sa...