Mas malamig na panahon at mas mahabang gabi, dapat nang asahan

By Balita Online

September 23, 2024

In BALITA National

Opisyal ng idineklara ng Philippine Atmospheric Geophysical and Astronomical Services Administration (PAGASA) ang pagpasok ng autumnal equinox mula Setyembre 22, 2024, kung saan maaari na umanong maranasan ang magkasing-haba na ang oras ng umaga at gabi.

Ang equinox ay salting Latin nangangahulugan sa wikang ingles na “equal.”

Samantala, nilinaw naman ng PAGASA na bagama’t magkasing-haba na ang oras ng umaga at gabi na parehong tatagal ng 12 oras, ito ay nakadepende umano sa lokasyon ng bansa.

Sa Pilipinas, sa tuwing sasapit ang autumn equinox, mas nagiging mahaba ang oras ng gabi at nagiging maikli naman ang umaga. Ito rin umano ang nagbibigay ng senyales sa unti-unting paglamig ng simoy na hangin sa buong bansa.

Ayon sa PAGASA, sa pagpasok ng autumn equinox, karaniwan umanong humihina ang southeast monsoon (Habagat) habang lumalakas ang bugso ng northeast monsoon (Amihan). Nilinaw din ng ahensya na hindi ito nangangahulugan ng kawalan ng bagyo sa mga susunod na buwan.

Inaasahang idedeklara ng ahensya ang taglamig hanggang sa matapos ang buwan ng Setyembre o di naman kaya ay hanggang sa pagpasok ng buwan ng Oktubre.

Matatandaang noong nakaraang taon, Oktubre 20, 2023 idineklara ng PAGASA ang opisyal na amihan season at nagtapos hanggang sa buwan ng Marso, 2024.

Kate Garcia

Trust, approval rating ni PBBM, tumaas; bumaba naman kay VP Sara -- Tangere

Tumaas ang bilang ng mga Pilipinong nagtitiwala at nasisiyahan sa performance ni Pangulong Ferdinand “Bongbong” Marcos Jr. habang bumaba naman ang kay Vice President Sara Duterte, ayon sa survey ng Tangere.Base sa pinakabagong survey ng Tangere nitong Lunes, Setyembre 23, mula Agosto hanggang Setyembre ay tumaas ang bilang ng mga Pilipinong nagtitiwala umano kay Marcos, mula 58.5% patungo sa...

'Family Day,' gawing paalala sa 'krisis sa pagkain' ng mga Pinoy -- VP Sara

Sa gitna ng kaniyang pakikiisa sa “Kainang Pamilya Mahalaga Day” o “Family Day,” sinabi ni Vice President Sara Duterte na maging paalala raw sana ang pagdiriwang sa hinaharap na krisis sa pagkain ng maraming mga Pilipino.“Ngayong araw, ipinagdiriwang natin ang pagsasama-sama sa hapag-kainan ng mga pamilyang Pilipino,” ani Duterte sa isang pahayag nitong Lunes, Setyembre 23.Sinabi rin...

Doc Willie Ong, may misyon pa raw sa mundo; pagbabatiin mga politiko

Isandaang porsiyeto raw na natitiyak ni dating vice president aspirant at cardiologist na si Doc Willie Ong na may misyon pa raw siya sa mundo kaya siya binuhay ng Panginoon.Sa latest episode ng “Kapuso Mo, Jessica Soho” nitong Linggo, Setyembre 22, ibinahagi ni Ong kung ano ang misyong tinutukoy niya.“Pagbabatiin natin silang lahat [politiko]. E, kung tayo-tayo na politiko ang nag-aaway e...