Ibinahagi ng ina ni Filipino pole vaulter EJ Obiena na si Jeanette Obiena kung paano niya sinusuportahan ang anak sa kada laban nito.
Sa latest episode ng vlog ni Kapamilya broadcast-journalist Bernadette Sembrano nitong Lunes, Setyembre 23, sinabi ni Jeanette na nagrorosaryo raw siya tuwing tumatalon si EJ.
“Sa totoo lang, everytime na tumatalon ‘yan [si EJ], siguro natatapos ko ‘yong rosaryo ng mga apat o limang beses, everytime,” saad ni Jeanette.
“Kasi gusto kong safe siya at wala siyang mararamdaman. Kasi dadalhin niya ‘yan after, e,” wika niya.
Goodbye PBA? John Amores, tinanggalan na ng professional license!
Dagdag pa niya: “Life of an athlete is just part of his life. There’s still life after an athlete. ‘Yon po ‘yong concern din namin bilang magulang.”
Matatandaang sa isang episode kamakailan ng “Sa Totoo Lang” na mapapanood sa YouTube channel ng One PH ay sinabi ni Jeanette na lagi lang daw silang nasa tabi ni EJ sa mga gagawin pa nito matapos masungkit ang ikaapat na puwesto sa ginanap na pole vault finals sa Paris Olympics 2024.
MAKI-BALITA: Mommy ni EJ Obiena, todo-suporta sa anak na pole vaulter: 'We're all here'
