Home

'Di tayo bastos!' Atty. Barry, nagsalita sa pagkikita nina VP Sara, Leni

September 21, 2024

Photo courtesy: Inday Sara Duterte (FB) via Wikipedia/MB File Photo/Leni Robredo (FB)

'Di tayo bastos!' Atty. Barry, nagsalita sa pagkikita nina VP Sara, Leni

By Richard De Leon

September 21, 2024

In BALITA

Nagsalita ang dating spokesperson ni dating Vice President Leni Robredo na si Atty. Barry Gutierrez patungkol sa umano'y pagdalaw ni Vice President Sara Duterte sa tahanan ng una, sa pagdiriwang ng pista ng Mahal na Ina ng Peñafrancia sa Naga, Camarines Sur.

Ayon sa panayam ng ABS-CBN News kay Gutierrez, “personal” at “hindi politikal” ang naging pag-uusap nina Duterte at Robredo.

"VP Sara visited former VP Leni at her house. VP Leni learned of the visit minutes before when she was informed that VP Sara was already on the way. The visit lasted for about an hour,” ani Gutierrez sa ABS-CBN News.

“The conversation was personal and not political," dagdag pa niya.

MAKI-BALITA: VP Sara Duterte, binisita si Ex-VP Leni Robredo sa Naga

Sa kaniyang X post nitong Setyembre 21 ng madaling-araw, muling nagbigay ng detalye si Gutierrez hinggil sa pag-uusap ng dalawa. Para sa kaniya, hindi man niya gusto ang politika ni VP Sara, dapat lamang daw na magalang siyang tanggapin ni ex-VP Leni sa kaniyang tahanan bilang pagkikita ng paggalang.

"Ang simpleng kuwento:

"Dumiretso sa bahay ng biglaan. Tinanggap niya ng maayos. Nag-usap- hindi tungkol sa pulitika. Kuwentuhan hindi meeting. Umalis. Tapos."

"Hindi ko gusto ang pulitika ni Sara Duterte. Pero tama lang na magalang siyang tinanggap ni VP Leni."

"Di tayo bastos," aniya.

Photo courtesy: Atty. Barry Gutierrez (X)

Ilang mga personalidad naman ang nagbigay ng reaksiyon tungkol dito, kabilang na si dating senador at kaalyado ni Robredo sa nagdaang eleksyon na si Sonny Trillanes, na tatakbong alkalde sa Caloocan City.

MAKI-BALITA: Trillanes, sinita pagkikita nina VP Sara, Leni: 'Somebody is lying to cover up!'

Samantala, naglabas na rin naman ng opisyal na pahayag ang Office of the Vice President (OVP) kaugnay rito.

MAKI-BALITA: OVP, nagpaliwanag hinggil sa 'casual meeting' nina VP Sara at Ex-VP Leni sa Naga

Barangay chairman sa Ilocos Norte, pinagbabaril

Pinagbabaril ng hindi pa nakikilalang salarin ang barangay chairman sa Brgy. 5 San Silvestre, San Nicolas, Ilocos Norte, Biyernes ng gabi, Setyembre 20.Kinilala ang biktima na si Francisco Bagay Jr., 45, residente at barangay chairman ng naturang lugar. Lumalabas sa imbestigasyon na nasa garahe ng kaniyang bahay ang biktima habang nakaupo nang dumating ang lalaking suspek at pinagbabaril ng ilang...

KMP Chair Ramos sa Martial Law anniv: 'Never Again, Never Forget!'

Ipinanawagan ni Kilusang Magbubukid ng Pilipinas (KMP) chairperson at Makabayan Coalition senatorial bet Danilo Ramos ang hustisya para sa mga biktima ng Batas Militar at ng estado nitong Sabado, Setyembre 21.Iginiit ito ni Ramos sa eksklusibong panayam ng Balita sa gitna ng isinagawang kilos-protesta ng mga progresibong grupo bilang paggunita ng ika-52 anibersaryo ng Martial Law.“Ang malakas na...

Trillanes, sinita pagkikita nina VP Sara, Leni: 'Somebody is lying to cover up!'

Tila hindi nagustuhan ng dating senador at kakandidatong mayor ng Caloocan City na si Antonio 'Sonny' Trillanes IV ang balita ng pagtungo ni Vice President Sara Duterte sa bahay ni dating Vice President Leni Robredo, sa pagdiriwang ng pista ng Mahal na Ina ng Peñafrancia sa Naga, Camarines Sur.Sumang-ayon si Trillanes sa isang X post at ni-reshare niya ito.'Ang pagkikita nina Sara...