Ramon Ang sa pag-take over sa NAIA: 'One year's time, or at most two, zero na baha riyan!'-Balita

Ramon Ang sa pag-take over sa NAIA: 'One year's time, or at most two, zero na baha riyan!'

Magsisimula na ang pag-take over ng operasyon ng New NAIA Infrastructure Corporation (NNIC) ng San Miguel Corporation ni Ramon Ang sa Ninoy Aquino International Airport (NAIA) sa darating na Sabado, Setyembre 14.

Ayon sa pahayag ni Ang sa ginanap na Aviation Forum ng Economic Journalists Association of the Philippines, na-secure na umano ang pondo para sa proyekto na may capital expenditure na ₱123.5B, may upfront payment na ₱30B, at ₱2B kada taon na annuities.

Ipinapangako ni Ang na magkakaroon na ng mga pagbabago sa main gateway ng bansa, na tinataguriang "worst airport" sa mundo. Aniya, ayaw daw niyang marinig mula sa mga dayuhan na worst airport in the world ang NAIA.

“'Yong NAIA, no excuse, I promise you in one year's time, or at most two, zero na baha diyan,’" aniya.

Ayon naman kay NNIC General Manager Angelito Alvarez, sa loob ng 3 hanggang 12 buwan ay inaasahang magkakaroon na ng improvement sa pasilidad ng paliparan gaya ng inireklamong air-conditioning units, pagdaragdag ng mga upuan, toilets, pagsasaayos ng mga elevator at escalator, pag-iinstall ng glass tint para mabawasan o maalis ang init mula sa labas, at paglalagay ng mas malakas na internet connection.

Bukod dito, magkakaroon din ng upgrade sa IT system para sa kabuuang operasyon gayundin ang mga kalsada at drainage system.

Pumirma si Ang sa isinagawang concession agreement para sa Public-Private Partnership (PPP) Project sa Kalayaan Hall na nasa Palasyo ng Malacañang noong Marso 18, na dinaluhan din mismo ni Pangulong Ferdinand "Bongbong" Marcos, Jr.

"Pagagandahin, ay within six months from the time we take over, September to next year March before Holy Week, naku saksakan na nang linis 'yon," ani Ang.

"Pati 'yong air-condition magiging malamig na, at dadami na upuan. Alam n'yo, eventually after two to three years, 'pag natapos 'yong bagong passenger terminal na itatayo natin... made-decongest na rin ang terminal 1, 2, 3... kasi marami ngayon sa terminal 1, 2, 3 mga offices, mga kung-ano-ano, na nag-occupy ng space na dapat para sa mga passenger, eh napunta sa kanila. So gaganda po 'yan, short term, six months, wala nang traffic..."

MAKI-BALITA: NAIA magiging saksakan na nang linis sey ni Ramon Ang

Matatandaang naging kontrobersiyal ang NAIA dahil sa mga surot na nagbigay-perwisyo sa ilang mga pasahero.

MAKI-BALITA: ‘May surot sa NAIA?’ MIAA, nag-sorry sa mga nakagat na pasahero

Pagkatapos nito, ilang mga daga naman ang naispatang pagala-gala sa loob ng vicinity ng terminal.

MAKI-BALITA: Hindi lang surot at daga? Ipis, ‘namasyal’ din sa NAIA

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...