PBBM, nag-react sa pagsisisi ni VP Sara na nakiusap na iboto siya bilang pangulo

By Richard De Leon

September 04, 2024

In BALITA

Nagsalita na si President Ferdinand "Bongbong" Marcos, Jr. tungkol sa naging pahayag kamakailan ni Vice President Sara Duterte na nagsisisi umano siyang inendorso niya sa mga miyembro ng Kingdom of Jesus Christ (KOJC) ni Pastor Apollo Quiboloy ang kaniyang ka-tandem sa nagdaang eleksyon.

"Nais kong humingi ng kapatawaran sa lahat ng miyembro, deboto at bumubuo ng Kingdom of Jesus Christ, sa paghikayat at pakiusap ko sa inyong iboto si Bongbong Marcos Jr. noong 2022. Nawa'y mapatawad ninyo ako,” ani Duterte sa isang pahayag noong Agosto 25.

MAKI-BALITA: VP Sara, humingi ng patawad dahil nakiusap siyang iboto si PBBM noong 2022

Sa panayam ng ABS-CBN News kay PBBM habang nakasakay sa helicopter, sinabi niyang wala siyang magagawa kung iyon ang pananaw ng kaniyang VP, na ka-tandem niya sa ngayo'y "buwag" na UniTeam.

"That’s her prerogative. I still don’t understand why. That is her wish, wala tayong magagawa," aniya.

Nang tanungin pa siya kung kailan sila huling nag-usap, sinabi ng pangulo na huling pagkikita at pag-uusap nila noong iniabot nito sa kaniya ang resignation letter bilang kalihim ng Department of Education (DepEd) bandang Hulyo.

Samantala, wala pang tugon, reaksiyon, o pahayag si VP Sara tungkol sa sinabi ni PBBM.

Gatchalian kay Guo: 'See you tomorrow, sana magsabi ka na ng totoo!'

Nagbigay ng mensahe si Senador Win Gatchalian kay dismissed Bamban, Tarlac mayor Alice Guo na inaasahang muling haharap sa Senado bukas ng Martes, Setyembre 17.Sa isang Facebook post nitong Lunes, Setyembre 16, inilakip ni Gatchalian ang desisyon ng Valenzuela Regional Trial Court (RTC) na pagbigyan ang kahilingan ni Senador Risa Hontiveros, chairperson ng Senate, Committee On Women, Children,...

Alice Guo, muling haharap sa Senado sa Martes

Inaasahang muling haharap sa Senado si dismissed Bamban, Tarlac mayor Alice Guo bukas ng Martes, Setyembre 17, matapos pagbigyan ng Valenzuela Regional Trial Court (RTC) ang kahilingan ni Senador Risa Hontiveros na padaluhin siya sa pagdinig.Ibinahagi ng opisina ni Hontiveros, chairperson ng Senate, Committee On Women, Children, Family Relations And Gender Equality, ang naturang desisyon ng...

Pasabog ni Doc Willie Ong: 'Politicians are corrupt in the Philippines!'

Matapang na sinambit ng cardiologist at dating vice president aspirant na si Doc Willie Ong ang katangian ng mga politiko sa Pilipinas.Sa video statement niya na inilabas nitong Lunes, Setyembre 16, sinabi ni Ong na corrupt umano ang mga halal na opisyal sa bansa.“Pasensya na po mga politiko. Masasagasaan ko na kayo ngayon. Anyway I’m dying. I don’t care anymore. I will tell you the truth:...