Enteng, bahagyang lumakas habang nasa katubigan ng Northern Samar

By Mary Joy Salcedo

September 01, 2024

In BALITA National

Bahagyang lumakas ang Tropical Depression Enteng habang nasa katubigan ito sa hilagang-silangan ng Northern Samar, ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Linggo, Setyembre 1.

Sa tala ng PAGASA, huling namataan ang bagyong Enteng 100 kilometro ang layo sa hilagang-silangan ng Catarman, Northern Samar o 115 kilometro ang layo sa silangan timog-silangan ng Virac, Catanduanes.

Taglay nito ang lakas ng hanging aabot sa 55 kilometers per hour, at pagbugsong aabot sa 70 kilometers per hour.

Kumikilos ang bagyo pahilagang-kanluran sa bilis na 15 kilometers per hour.

Dahil dito, itinaas sa Signal No. 1 ang mga sumusunod na lugar:

Luzon:

Southeastern portion ng Cagayan (Baggao, Peñablanca)

Eastern portion ng Isabela (Palanan, Dinapigue, Divilacan, San Agustin, San Guillermo, Jones, Echague, San Mariano, Maconacon, San Pablo, Cabagan, Tumauini, Ilagan City)

Southern portion ng Quirino (Nagtipunan, Maddela)

Northern portion ng Aurora (Dilasag, Casiguran, Dinalungan, Dipaculao, Baler)

Polillo Islands

Southern portion ng mainland Quezon (Tagkawayan, Guinayangan, Buenavista, San Narciso, Mulanay, San Andres, San Francisco, Lopez, Calauag, Catanauan, Gumaca, Macalelon, General Luna, Quezon, Alabat, Perez)

Camarines Norte

Camarines Sur

Catanduanes

Albay

Sorsogon

Masbate kabilang na ang Ticao at Burias Islands

Visayas:

Northern Samar

Samar

Eastern Samar

Biliran

Northeastern portion ng Leyte (Babatngon, San Miguel, Tacloban City, Alangalang, Santa Fe, Palo, Barugo)

Ayon sa PAGASA, inaasahang lalakas pa ang bagyo at aabot sa tropical storm category sa loob ng 12 oras.

Posible pa raw itong umabot sa typhoon category pagsapit ng Huwebes, Setyembre 5, o Biyernes, Setyembre 6.

OVP, nagpaliwanag hinggil sa 'casual meeting' nina VP Sara at Ex-VP Leni sa Naga

“She neither looked desperate nor distressed.”Naglabas ng pahayag ang Office of the Vice President (OVP) hinggil sa napabalitang binisita ni Vice President Sara Duterte si dating Vice President Leni Robredo sa Naga City.Ayon sa OVP, inimbitahan si Duterte ng isang kaibigan sa Bicol upang dumalo sa centennial anniversary mass ng Canonical Coronation of Our Lady of Peñafrancia nitong Biyernes,...

Guanzon, tinanong sino si Ben Tulfo: 'What has he done for the country?'

May tanong si dating Commission on Elections (Comelec) commissioner Rowena Guanzon tungkol sa broadcaster na si Ben Tulfo.Sa kaniyang X post nitong Biyernes, Setyembre 20, tinanong ni Guanzon kung sino ba umano si Tulfo at ano ang nagawa niya para sa bansa.“Teka who is Ben Tulfo? What has he done for the country? Enlighten me,” ani Guanzon sa kaniyang post.Ang naturang post ni Guanzon ay...

VP Sara Duterte, binisita si Ex-VP Leni Robredo sa Naga

Binisita ni Vice President Sara Duterte si dating Vice President Leni Robredo sa bahay nito sa Naga City.Kinumpirma ito ng dating spokesperson ni Robredo na si Atty. Barry Gutierrez sa ABS-CBN News nitong Biyernes, Setyembre 20.Ayon kay Gutierrez, “personal” at “hindi politikal” ang naging pag-uusap nina Duterte at Robredo.'VP Sara visited former VP Leni at her house. VP Leni learned...