Pagbaha sa ilang kalsada sa Metro Manila, nagdulot ng pagbigat ng trapiko

By Balita Online

August 28, 2024

In BALITA National

Dulot ng magdamag na pag-ulan, ilang pangunahing kalsada sa Metro Manila ang binaha at nagdulot ng pagbigat ng trapiko, Miyerkules, Agosto 28.

Nagsimula ang malakas na pagbuhos ng ulan Lunes, Agosto 27, 2024 bandang 11:00 ng gabi. Kabilang ang bahagi ng Araneta Avenue sa Quezon City ang binaha. Halos zero visibility ang Commonwealth Avenue at Elliptical road na nagpahirap sa mga motorista hanggang madaling araw. Pahirapan din ang mga motorista sa Sto. Domingo Avenue na pinili na lamang hindi suungin ang baha. Umabot naman sa halos baywang na tubig ang nasa Moranto Street kung saan isang kotse ang nalubog sa baha.

Samantala, bunsod nang pag-apaw ng isang creek, hanggang tuhod na rin ang baha sa kahabaan ng Mayasan Road sa lungsod ng Valenzuela.

Tukod na rin ang trapiko sa MacArthur Highway dahil sa gutter na baha.

Gutter deep level na rin ang ilang ruta sa Maynila katulad na lamang sa kahabaan ng Taft Avenue at España Boulevard.

Naglabas na rin ng anunsyo ang Malabon City kung saan nakakaranas ng 3 inches hanggang 12 inches na taas ng baha sa ilang ruta katulad ng Acacia, Catmon at Dampalit.

Kasalukuyang nakaantabay ang Metropolitan Manila Development Authority (MMDA) iba’t ibang lugar sa Metro Manila dahil sa patuloy na banta ng pagbaha.

Kasunod nito, ilang bayan na rin ang nagkansela ng pasok ngayong Miyerkules, Agosto 28, 2024.

BASAHIN: WALANG PASOK: Class suspensions ngayong Miyerkules, Aug 28

Kate Garcia

OVP, nagpaliwanag hinggil sa 'casual meeting' nina VP Sara at Ex-VP Leni sa Naga

“She neither looked desperate nor distressed.”Naglabas ng pahayag ang Office of the Vice President (OVP) hinggil sa napabalitang binisita ni Vice President Sara Duterte si dating Vice President Leni Robredo sa Naga City.Ayon sa OVP, inimbitahan si Duterte ng isang kaibigan sa Bicol upang dumalo sa centennial anniversary mass ng Canonical Coronation of Our Lady of Peñafrancia nitong Biyernes,...

Guanzon, tinanong sino si Ben Tulfo: 'What has he done for the country?'

May tanong si dating Commission on Elections (Comelec) commissioner Rowena Guanzon tungkol sa broadcaster na si Ben Tulfo.Sa kaniyang X post nitong Biyernes, Setyembre 20, tinanong ni Guanzon kung sino ba umano si Tulfo at ano ang nagawa niya para sa bansa.“Teka who is Ben Tulfo? What has he done for the country? Enlighten me,” ani Guanzon sa kaniyang post.Ang naturang post ni Guanzon ay...

VP Sara Duterte, binisita si Ex-VP Leni Robredo sa Naga

Binisita ni Vice President Sara Duterte si dating Vice President Leni Robredo sa bahay nito sa Naga City.Kinumpirma ito ng dating spokesperson ni Robredo na si Atty. Barry Gutierrez sa ABS-CBN News nitong Biyernes, Setyembre 20.Ayon kay Gutierrez, “personal” at “hindi politikal” ang naging pag-uusap nina Duterte at Robredo.'VP Sara visited former VP Leni at her house. VP Leni learned...