'Isang kasinungalingan!' PNP, pinabulaanang bobombahin ang KOJC compound

By Nicole Therise Marcelo

August 28, 2024

In BALITA National

Pinabulaanan ng Philippine National Police (PNP) at sinabing 'isang kasinungalingan' ang lumalabas na balitang bobombahin umano nila ang Kingdom of Jesus Christ (KOJC) compound sa Davao City, nitong Miyerkules, Agosto 28.

Sa ulat ng One Mindanao ng GMA News, sinabi ni P/Maj. Catherine dela Rey, PRO11 Spokesperson, na isang kasinungalingan ang pinalalabas umano ng KOJC.

"Isa na namang kasinungalingan ang pinapalabas ng KOJC na bobombahin namin ang kanilang compound kagaya ng kasinungalingan na sinasabi nila na pinutuluan na namin sila ng tubig at kuryente eh kagabi ang ganda-ganda ng ilaw ng KOJC compound," ani Dela Rey.

"Kaya sa lahat ng mamamayan, mga kababayan natin. Huwag agad kayong maniniwala sa mga pinapalabas nilang mga kasinungalingan. Mag-verify kayo. Makinig din kayo sa mga legitimate media na nagsasabi ng katotohanan.

"Sana naman po ay 'wag n'yong i-spread ang mga fake news na pinapalabas nila," dagdag pa niya.

Matatandaang iniulat ng DZAR SMNI Radio na binigyan daw ng ultimatum na dalawang oras ng PNP ang mga miyembro ng KOJC na ilabas at isuko si Pastor Apollo Quiboloy, bago nila pasabugin ang KOJC Cathedral na nasa loob ng KOJC compound.

BASAHIN: KOJC Cathedral, pasasabugin ng PNP 'pag hindi sinuko si Quiboloy

OVP, nagpaliwanag hinggil sa 'casual meeting' nina VP Sara at Ex-VP Leni sa Naga

“She neither looked desperate nor distressed.”Naglabas ng pahayag ang Office of the Vice President (OVP) hinggil sa napabalitang binisita ni Vice President Sara Duterte si dating Vice President Leni Robredo sa Naga City.Ayon sa OVP, inimbitahan si Duterte ng isang kaibigan sa Bicol upang dumalo sa centennial anniversary mass ng Canonical Coronation of Our Lady of Peñafrancia nitong Biyernes,...

Guanzon, tinanong sino si Ben Tulfo: 'What has he done for the country?'

May tanong si dating Commission on Elections (Comelec) commissioner Rowena Guanzon tungkol sa broadcaster na si Ben Tulfo.Sa kaniyang X post nitong Biyernes, Setyembre 20, tinanong ni Guanzon kung sino ba umano si Tulfo at ano ang nagawa niya para sa bansa.“Teka who is Ben Tulfo? What has he done for the country? Enlighten me,” ani Guanzon sa kaniyang post.Ang naturang post ni Guanzon ay...

VP Sara Duterte, binisita si Ex-VP Leni Robredo sa Naga

Binisita ni Vice President Sara Duterte si dating Vice President Leni Robredo sa bahay nito sa Naga City.Kinumpirma ito ng dating spokesperson ni Robredo na si Atty. Barry Gutierrez sa ABS-CBN News nitong Biyernes, Setyembre 20.Ayon kay Gutierrez, “personal” at “hindi politikal” ang naging pag-uusap nina Duterte at Robredo.'VP Sara visited former VP Leni at her house. VP Leni learned...