Pagpapabalik sa PH ng 2 nahuling kasama ni Alice Guo, inaasikaso na! -- PBBM

By Mary Joy Salcedo

August 22, 2024

In BALITA National

Ipinahayag ni Pangulong Ferdinand “Bongbong” Marcos Jr. na nakikipag-ugnayan na ang Pilipinas sa Indonesia para sa agarang pagpapabalik sa bansa ng nahuling kapatid ni dismissed Bamban, Tarlac Mayor Alice Guo na si Sheila at kaibigan nitong si Cassandra Li Ong.

Sa panayam ng mga mamamahayag, sinabi ni Marcos na inaasahang makakabalik na ng bansa sina Sheila at Cassandra ngayon ding Huwebes, Agosto 22.

“We are now in coordination with the Indonesian government and agencies, arranging for them to [return],” ani Marcos.

Matatandaang nitong Huwebes ng umaga nang ianunsyo ni Department of the Interior and Local Government (DILG) Secretary Benhur Abalos na nabalitaan niya sa Philippine National Police (PNP) nitong Miyerkules ng gabi, Agosto 21, ang pagkahuli sa dalawang kasama ni Guo.

MAKI-BALITA: Dalawang kasama ni Alice Guo, hawak na ng Indonesian immigration office

Ito ay nangyari ilang araw matapos isiwalat ni Senador Risa Hontiveros noong Lunes, Agosto 18, na na nakaalis na ng bansa si Guo noon pang Hulyo 18, 2024, at nagtungo sa Kuala Lumpur, Malaysia.

MAKI-BALITA: 'Sinong may kagagawan nito?' Alice Guo, nakaalis na ng 'Pinas -- Hontiveros

Kaugnay nito, naglabas ang Presidential Anti-Organized Crime Commission (PAOCC) nitong Huwebes ng ebidensyang namataan si Guo sa Kuala Lumpur International Airport sa Malaysia noong Hulyo 21, 2024.

MAKI-BALITA: 'May ebidensya!' Alice Guo, namataan sa Kuala Lumpur airport noong Hulyo -- PAOCC

2 taga-Laguna na parehong nanalo sa magkahiwalay na Lotto 6/42 draw, kumubra na ng premyo

Dalawang lotto winner mula sa Laguna ang kumubra ng napanalunan nilang milyon-milyong Lotto 6/42 jackpot prize na binola noong Agosto 15 at Agosto 22, 2024. PHOTOS COURTESY: PCSO/WEBSITEAyon sa PCSO, ang unang winner ay isang retired civil servant na halos isang dekada nang tumataya sa lotto. Kinubra ng lalaki ang ₱19,630,380.00 mula sa Lotto 6/42. Ang winning combination na 21-11-30-16-19-03...

PAOCC Usec. Cruz, inaming may lumapit sa kaniya para tulungan si Alice Guo

'Ang nakakalungkot nga 'yung iba kaibigan mo pa.'Isiniwalat ni Presidential Anti-Organized Crime Commission (PAOCC) Usec. Gilbert Cruz na mayroong lumapit sa kaniya para tulungan si dismissed Bamban, Tarlac Mayor Alice Guo.Sa panayam ni Cruz nitong Huwebes, Setyembre 12, sinabi niyang may nagpasaring sa kaniya para tulungan si Guo. 'With all honesty may mga pasaring. Ang...

'Set aside differences!' SP Chiz, umaasang magkakaayos VP Sara at Kamara

Umaasa si Senate President Chiz Escudero na maaayos din ang hindi pagkakasunduan ni Vice President Sara Duterte at ng House of Representatives.Sinabi ito ni Escudero matapos irekomenda ng House Committee on Appropriations na bigyan ng ₱733.198 milyong budget ang Office of the Vice President (OVP) sa 2025, mahigit ₱1.29 bilyon ang kaltas mula sa ₱2.037 bilyong panukalang budget ng...