Mga motoristang walang RFID stickers o walang sapat na RFID loads, pagmumultahin na-Balita

Inanunsiyo ng Toll Regulatory Board (TRB) na pagmumultahin na nila ang mga motoristang walang RFID stickers o walang sapat na RFID load sa pagpasok sa mga toll gates sa expressways.

Magsisimula raw ito ngayong Agosto 31, 2024.

Ayon kay TRB spokesperson Julius Corpuz, ito ay bilang paghahanda sa pinaplano nilang transition sa cashless transactions, na target umano nilang masimulan sa Oktubre ng taong ito.

Sa isang pahayag, sinabi ng TRB na ang kanilang Joint Memorandum Circular No. 2024-001 sa Department of Transportation (DOTr) at Land Transportation Office (LTO) hinggil dito ay nilagdaan noong Agosto 1.

Tinukoy anila sa naturang memo na ang mga motorista ay dapat nang mag-aplay ng electronic toll collection device gaya ng RFID tag, na ilalagay sa kanilang mga sasakyan, at tiyaking ang kanilang accounts ay may sapat na load o balanse upang bayaran ang kanilang toll fees.

Anang TRB, ang mga motoristang papasok ng tollway ng walang RFID sticker ay pagmumultahin ng P1,000 para sa unang paglabag; P2,000 para sa ikalawang paglabag; at P5,000 para sa mga susunod pang paglabag.

Samantala, ang mga motorista namang walang sapat na load balance sa kanilang RFIDs ay pagmumultahin ng P500 para sa unang paglabag; P1,000 para sa ikalawang paglabag at P2,500 para sa mga susunod pang paglabag.

Anang TRB, layunin ng memo na mapaghusay pa ang daloy ng trapiko sa mga toll plaza upang matulungan ang mga motorista na makatipid ng oras, pera at resources.

Sinabi pa ng TRB na iilan lamang o nasa 9%, ang mga motoristang wala pa ring RFIDs o walang sapat na load balance, habang 91% naman ng mga ito ay compliant na dito.

Paglilinaw naman ni Corpuz, papayagan pa ring dumaan ang mga motoristang walang RFID tags o walang sapat na load ngunit kung may marshal na aniya doon o deputized traffic enforcer ay kaagad na itong iisyuhan ng show cause order (SCO) at aalamin kung maari siyang mabigyan ng pagkakataon na i-refute ang kanyang violation.

“…so puwede pa naman po kaya lang he might be issued a citation ticket or yung SCO,” aniya pa.

'Set aside differences!' SP Chiz, umaasang magkakaayos VP Sara at Kamara

Umaasa si Senate President Chiz Escudero na maaayos din ang hindi pagkakasunduan ni Vice President Sara Duterte at ng House of Representatives.Sinabi ito ni Escudero matapos irekomenda ng House Committee on Appropriations na bigyan ng ₱733.198 milyong budget ang Office of the Vice President (OVP) sa 2025, mahigit ₱1.29 bilyon ang kaltas mula sa ₱2.037 bilyong panukalang budget ng...

ALAMIN: Ano ang susunod na pagdadaanan ng proposed budget ng OVP?

Inirekomenda ng House Committee on Appropriations nitong Huwebes, Setyembre 12, na bigyan ng ₱733.198 milyong budget ang opisina ni Vice President Sara Duterte sa 2025, mahigit ₱1.29 bilyon ang kaltas mula sa ₱2.037 bilyong panukalang budget ng opisina.Ngunit, base sa budgeting process ng gobyerno, hindi pa naman pinal ang naturang halaga ng magiging pondo ng Office of the Vice President...

1902 magmatic eruption ng bulkang Kanlaon posibleng maulit?

Nagbabala ang Philippine Institute of Volcanology and Seismology (Phivolcs) tungkol sa patuloy na paglala ng aktibidad ng bulkang Kanlaon sa Negros Occidental dahil sa patuloy na pagbubuga nito ng sulfur dioxide noong Martes, Setyembre 10, 2024.Ayon sa Phivolcs, posibleng maranasan muli ang bagsik ng bulkang Kanlaon dahil sa mataas na pagbuga nito ng sulfur dioxide na huli pang nangyari noong...