Hontiveros, kinuwestiyon ang ₱2 bilyong budget na hinihiling ng OVP-Balita

Hontiveros, kinuwestiyon ang ₱2 bilyong budget na hinihiling ng OVP

Kinuwestiyon ni Senador Risa Hontiveros si Vice President Sara Duterte sa ₱2 bilyong budget na hinihiling nito sa Office of the Vice President (OVP) para sa darating na 2025.

Sa ginanap na budget hearing nitong Martes, Agosto 20, inusisa ni Hontiveros si Duterte hinggil sa programang paglalaanan ng ₱1.909 bilyon para sa socio-economic program tulad ng medical assistance, burial assistance, food and livelihood assistance.

“May ginagawa bang studies para suportahan ‘yong pagkakaroon ng ganitong programs na parallel naman sa katulad at existing programs ng iba’t iba nating line agencies?” tanong ni Hontiveros.

“No’ng pumasok po kami sa Office of the Vice President tiningnan po namin ang mga pinakamaraming request ng ating mga kababayan,” sagot ni Duterte.

“Unang-una po, ang lagi po naming natatanggap na request ay medical and burial assistance. Pangalawa po ay financial assistance. Pangatlo, lagi silang humihingi ng tulong sa pagkain. At pang-apat […] sa tally ng mga request ‘yong educational assistance. At ang panghuli naman ang lagi naming natatanggap na request galing sa ating mga kababayan ay kapag sila ay naging biktima ng disaster,” aniya.

Dagdag pa ng bise-presidente, bagama’t totoo umano na mayroon nang katulad na programa ang ibang local government units at national government agencies sa programang paglalaanan ng budget ng kaniyang opisina, hindi raw niya maaaring hindian ang hiling ng taumbayan.

“No’ng ako ay umupo as Vice President I took an oath and do’n sa oath I said that will do justice to every man. So hindi po kami puwedeng humindi sa mga tao na humihingi ng tulong,” saad pa ni Duterte.

Pero sa huli, matapos maghayag ng suporta ang mayorya ng senado sa inihaing budget ni Duterte, idineklara ni Senador Grace Poe ang pagsusumite nito sa plenaryo.

“The budget of the Office of the Vice President is now deemed submitted to plenary,” saad niya.

Matatandaang nagkaroon ng iringan sa pagitan nina Duterte at Hontiveros sa nasabi ring pagdinig nang tanungin ng huli ang tungkol sa libro umano ng bise-presidente na ipapamahagi nito.

MAKI-BALITA: VP Sara, Sen. Risa nagkairingan; hindi maintindihan ugali ng isa't isa

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...

Hayop at bayani puwede raw pagsamahin sa disenyo ng pera?

May iminungkahi ang August Twenty-One Movement (ATOM) tungkol sa kontrobersyal na bagong disenyo ng polymer banknotes mula Bangko Sentral ng Pilipinas (BSP).Sa panayam ng Teleradyo Serbisyo kay ATOM president Volt Bohol, Linggo, Disyembre 22, iginiit niya ang importansya raw ng pagkakaroon ng presensya ng mga bayani at dating lider ng bansa sa kasalukuyang banknotes ng Pilipinas. “Kung hindi...

OFW na hinoldap, inundayan ng saksak sa terminal sa Maynila, nakauwi na ba sa pamilya?

Inabot ng halos dalawang linggo bago tuluyang matagpuan ang isang Pangasinenseng Overseas FIlipino Worker (OFW) na si Michael Lumibao na hindi nakauwi sa kaniyang pamilya mula nang makabalik siya sa bansa noong Disyembre 2, 2024. Ayon sa ulat ng Balitanghali noong Disyembre 17, nakausap na raw si Michael ng kaniyang mga kaanak sa pamamagitan ng telepono, kung saan inilahad niyang nabiktima umano...