VP Sara, 'expected' na ang umano'y planong pagpapatalsik sa kaniya ng Kamara

By Mary Joy Salcedo

August 19, 2024

In BALITA National

Iginiit ni Vice President Sara Duterte na hindi na siya nasorpresa sa umano’y plano ng House of Representatives na patalsikin siya sa pwesto.

Sinabi ito ni Duterte sa isang panayam ng mga mamamahayag sa Davao City noong Sabado, Agosto 17.

Ayon kay Duterte, naririnig nilang laging pinag-uusapan ng mga miyembro ng Kamara ang hinggil sa umano’y pagpapatalsik sa kaniya, kaya’t inaasahan na raw niya ito.

“That is expected. Lagi namang pinag-uusapan among members of the House of Representatives ang impeachment at naririnig naman namin lagi 'yun base sa mga sinasabi ng mga kaibigan doon sa loob,” ani Duterte.

“Expected na natin ‘yan dahil mainit nga ang politika ngayon dito sa ating bayan,” dagdag niya.

Samantala, nanawagan naman ang bise presidente na unahing tutukan ang mga problema ng bansa, tulad na lamang daw ng pagtaas ng presyo ng mga pagkain at maging ng pagdami ng bilang ng mga naghihirap.

“Inuulit ko, sana ay hindi madala ang ating mga kababayan sa ingay ng politika kundi dapat tutukan talaga natin 'yung totoong problema ng ating bayan,” ani Duterte.

“Problema talaga natin ngayon, unang una masyadong mahal ‘yung pagkain at saka lumalaki 'yung segment ng population natin na mga naghihirap,” saad pa niya.

Habang sinusulat ito’y wala pa namang tugon o reaksyon ang Kamara hinggil sa naturang pahayag ng bise presidente.

Madir ng empleyadong namatay dahil ‘overworked’ kinalampag ang boss, ‘di nagpunta sa funeral

Usap-usapan ang isang viral na open letter mula sa isang ina sa India matapos niyang maglabas ng sama ng loob sa kompanyang pinagtatrabahuhan ng kaniyang 26-anyos na anak, na sumakabilang-buhay dahil sa pagiging 'overworked.'Batay sa mga ulat, ang liham ay gawa ng isang nagngangalang 'Anita Augustine,' na naglabas ng kaniyang pagkadismaya sa boss at mga katrabaho ng anak na si...

OVP, nagpaliwanag hinggil sa 'casual meeting' nina VP Sara at Ex-VP Leni sa Naga

“She neither looked desperate nor distressed.”Naglabas ng pahayag ang Office of the Vice President (OVP) hinggil sa napabalitang binisita ni Vice President Sara Duterte si dating Vice President Leni Robredo sa Naga City.Ayon sa OVP, inimbitahan si Duterte ng isang kaibigan sa Bicol upang dumalo sa centennial anniversary mass ng Canonical Coronation of Our Lady of Peñafrancia nitong Biyernes,...

Guanzon, tinanong sino si Ben Tulfo: 'What has he done for the country?'

May tanong si dating Commission on Elections (Comelec) commissioner Rowena Guanzon tungkol sa broadcaster na si Ben Tulfo.Sa kaniyang X post nitong Biyernes, Setyembre 20, tinanong ni Guanzon kung sino ba umano si Tulfo at ano ang nagawa niya para sa bansa.“Teka who is Ben Tulfo? What has he done for the country? Enlighten me,” ani Guanzon sa kaniyang post.Ang naturang post ni Guanzon ay...