Pork producers, nanawagang magdeklara ng state of calamity dahil sa ASF

By Mary Joy Salcedo

August 09, 2024

In BALITA National

Nanawagan ang Pork Producers Federation of the Philippines sa pamahalaan na isailalim na ang buong bansa sa state of calamity dahil patuloy umanong tumataas ang mga kaso ng African swine fever (ASF).

Base sa ulat ng ABS-CBN News, iginiit ni Nicanor Briones, tagapangulo ng Pro-Pork at AGAP Party-list Representative, na mahalagang isailalim sa state of calamity ang bansa dahil sa ASF upang makapaglaan din ang pamahalaan ng calamity funds para sa pagpapabakuna laban dito.

“Makukuha ‘yan sa calamity fund or pwedeng gawin kaagad ng ating mahal na Pangulo. Ang bilis kumakalat eh. Kung hindi mapipigilan ang pagkaubos ng inahin at bulugan, malaki pa rin talaga ang magiging problema natin. Maraming mawawalang baboy kung mahuhuli ‘yung pagbabakuna,” ani Briones.

Ayon sa kamakailang datos ng Department of Agriculture (DA), bumaba ang populasyon ng baboy sa 9.9 milyon mula sa 12.7 milyon, bago natukoy ang mga kaso ng ASF noong 2019.

Naghahanda naman na raw ang DA ng emergency procurement para sa ASF vaccines kasunod ng outbreak sa Batangas.

Tinatayang walong bayan daw sa Batangas ang may aktibong kaso ng ASF, kung saan isinailalim na raw sa state of calamity ang mga munisipalidad ng Lobo at Calatagan.

Target naman umano ng ahensya na i-roll out ang bakuna para sa ASF sa buwan ng Setyembre.

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...