Patuloy pa ring nakaaapekto ang southwest monsoon o habagat sa kanlurang bahagi ng Visayas at Mindanao, ayon sa Philippine Atmospheric, Geophysical and Astronomical Services Administration (PAGASA) nitong Sabado, Agosto 3.
Sa tala ng PAGASA kaninang 4:00 ng madaling araw, malaki ang tsansang magdudulot ang habagat ng maulap na kalangitan na may kasamang kalat-kalat na pag-ulan at thunderstorms sa Western Visayas, Negros Island Region, Zamboanga Peninsula, at Palawan.
Pinag-iingat ang mga residente sa mga nasabing lugar sa posibleng pagbaha o pagguho ng lupa tuwing magkakaroon ng malalakas na pag-ulan.
Samantala, malaki naman ang tsansang makaranas ng medyo maulap na kalangitan na may kasamang pulo-pulong pag-ulan o thunderstorms ang Metro Manila at mga natitirang bahagi ng bansa dahil sa localized thunderstorms.
Posible rin daw ang pagbaha o pagguho ng lupa sa nasabing mga lugar tuwing magkakaroon ng malalakas na thunderstorms.
PNP, susunod sa kautusan ng DOJ na ipatupad arrest warrant ng ICC vs Sen. Bato
Sa kasalukuyan ay wala namang binabantayan ang PAGASA na anumang bagyo o low pressure area (LPA) sa loob o labas ng Philippine area of responsibility (PAR).
