2 sa 11 nasawi sa sunog sa Binondo, miyembro ng PCG

By Mary Joy Salcedo

August 03, 2024

In BALITA National

Kinumpirma ng Philippine Coast Guard (PCG) nitong Sabado, Agosto 3, na miyembro nila ang dalawa sa 11 nasawi dahil sa nasunog na isang gusali sa Binondo, Maynila nitong Biyernes, Agosto 2.

Matatandaang nitong Biyernes ng umaga nang ihayag ng Bureau of Fire Protection (BFP) na na-trap ang 11 indibidwal sa loob ng nasunog na commercial building sa 555 Nuevo Street sa Binondo.

MAKI-BALITA: 11 indibidwal, patay sa sunog sa Binondo

Kaugnay nito, sa isang pahayag ay ipinaabot ng PCG ang kanilang pakikiramay sa naiwang pamilya ng kanilang dalawang personnel na sina Apprentice Seaman (ASN) Ian Paul Fresado at ASN Mark Hernandez.

Lumabas daw sa imbestigasyon na nagsimula ang sunog dahil sa pagsabog ng LPG sa ground floor ng gusali.

“The two Coast Guard personnel were temporarily residing at the building as ‘boarders’,” anang PCG.

Naka-assign sa Marine Environmental Protection Command (MEPCOM) sina Fresado at Hernandez, na kapwa miyembro ng Coast Guardsman Course (CGMC) Class 105.

Dinala naman umano ang kanilang mga labi, kasama ng siyam na iba pang biktima, sa Batangas Sanctuary Funeral Home sa Abad Santos Avenue, Tondo, Manila, para sa proper disposition.

Ayon kay PCG Spokesperson, CG Rear Admiral Armando Balilo, nakikipag-ugnayan na ang kanilang Command sa pamilya ng dalawa nilang nasawing personnel upang magkaloob ng karampatang tulong sa mga ito.

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...