Ex-VP Leni, nais madagdagan mga kasama ni Sen. Risa sa Senado

By Mary Joy Salcedo

August 02, 2024

In BALITA National

“Para sa lipunang tunay na malaya.”

Ipinahayag ni dating Vice President Leni Robredo na mahalagang manalo sa 2025 midterm elections ang mga matitino, mahuhusay, tapat, at maaasahang kandidato na makakasama at magiging kakampi raw ni Senador Risa Hontiveros sa Senado.

Sinabi ito ni Robredo sa kaniyang solidarity speech sa isinagawang 9th National Congress ng Akbayan sa Palacio De Maynila nitong Huwebes, Agosto 1.

"Ang imperative sa atin, madagdagan ang mga kasama ni Senator Risa sa Senado, magkaroon ng mas maraming kakampi sa lokal, itanim sa diwa ng lipunan ang buod ng ating ipinaglalaban,” ani Robredo.

“At simulan 'yan sa paghahalal ng mga pinunong matitino, mahuhusay, tapat, at maaasahan," dagdag niya.

Binanggit din ni Robredo na malaki na ang naging ambag ng Akbayan sa mga Pilipino, ngunit hindi pa raw natatapos ang kanilang laban para sa bansa.

“Sisimulan natin ‘yan ngayong 2025. Excited na ako sa mga laban na maipapanalo natin. At sa patuloy nating pagkakaisa para sa Pilipinas na pinamumunuan ng tapat, mahusay, at may puso,” saad ni Robredo.

“Para sa isang lipunan na tunay na maunlad at malaya.”

Nito lamang ding Huwebes ay inihayag ng Akbayan na tinitingnan na nila sina dating Senador Kiko Pangilinan, dating Senador Bam Aquino at human rights lawyer Chel Diokno bilang kanilang Senate bets sa 2025.

Kaugnay nito, matatandaang inihayag kamakailan ni dating Senador Leila de Lima na tatakbo sina Pangilinan, Aquino at Diokno sa pagka-senador sa 2025 elections. Ngunit habang sinusulat ito’y si Aquino pa lamang ang opisyal na nag-anunsyo ng kaniyang senatorial bid.

MAKI-BALITA: Bam Aquino, tatakbong senador sa 2025: 'Naghahanda na kami'

Samantala, matatandaan ding inanunsyo ni Robredo kamakailan na tatakbo siya bilang alkalde ng Naga City sa susunod na eleksyon.

MAKI-BALITA: Robredo, ipinaliwanag dahilan ng hindi niya pagtakbo bilang senador sa 2025

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...