Bilang ng mga Pinoy na nasisiyahan sa performance ni PBBM, tumaas -- SWS

By Mary Joy Salcedo

August 02, 2024

In BALITA National

Tumaas sa 5% ang bilang ng mga Pilipinong nasisiyahan sa performance ni Pangulong Ferdinand “Bongbong” Marcos Jr. bilang punong ehekutibo ng bansa, ayon sa survey na inilabas ng Social Weather Stations (SWS) nitong Biyernes, Agosto 2.

Base sa Second Quarter 2024 ng SWS, 55% daw ng mga Pilipino ang “satisfied” sa performance ni Marcos. Mas mataas ito kumpara sa 50% na natanggap niyang satisfaction rating noong Marso 2024.

Samantala, base rin sa pinakabagong survey ng SWS ay 28% naman ang hindi nasisiyahan sa performance ng pangulo, habang 15% ang undecided.

“Compared to March 2024, gross satisfaction with President Marcos rose from 50%, gross undecided fell from 19%, and gross dissatisfaction fell slightly from 31%,” anang SWS.

“The resulting net satisfaction rating is +27 (% satisfied minus % dissatisfied), classified by SWS as moderate (+10 to +29). This is a 7-point increase from the moderate +20 in March 2024, following a decline from the good +47 in December 2023,” dagdag nito.

Sa naturang bagong survey ay pinakamataas ang net satisfaction rating ni Marcos sa Balance Luzon sa +38 (good), sumunod ang Metro Manila sa +30 (good), Visayas sa +26 (moderate) at pinakamababa sa Mindanao sa +5 (neutral).

Isinagawa ang nasabing survey ng SWS mula Hunyo 23 hanggang Hulyo 1, 2024 sa pamamagitan ng pakikipanayam sa 1,500 indibidwal na may edad 18 pataas.

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...