Panawagan ni Kiko Pangilinan: 'Huwag nang maghalal ng mga mandarambong!'

By Mary Joy Salcedo

August 01, 2024

In BALITA National

Nanawagan si dating Senador Kiko Pangilinan sa mga Pilipinong huwag nang maghalal ng mga "magnanakaw, sinungaling, mandarambong at mamamatay tao" sa 2025 midterm elections upang masolusyunan daw ang mga problema ng bansa sa kasalukuyan.

Sinabi ito ni Pangilinan nang dumalo siya sa isinagawang 9th National Congress ng Akbayan sa Palacio De Maynila nitong Huwebes, Agosto 1.

“Ano nga ba ang magiging solusyon sa problema ng bansa sa kasalukuyan? Simple lang. Huwag na tayong magluklok ng mga magnanakaw, ng mga sinungaling, mga mandarambong, mga mamamatay tao,” giit ni Pangilinan.

“Simple lang ‘di ba? Hindi madaling gawin. Pero at least maliwanag na ‘yun ang solusyon,” saad pa niya.

Isa si Pangilinan sa mga dumalo sa National Congress ng Akbayan, na naglalayong naglalayong igiit ang positioning nito bilang “primary opposition political party” sa bansa, sa gitna raw ng paksyon ng Marcos-Duterte.

Samantala, matatandaang inihayag kamakailan ni dating Senador Leila de Lima na tatakbo si Pangilinan, maging sina dating Senador Bam Aquino at human rights lawyer Chel Diokno, sa pagka-senador sa 2025 elections bilang miyembro ng oposisyon. Ngunit habang sinusulat ito’y si Aquino pa lamang ang opisyal na nag-anunsyo ng kaniyang senatorial bid.

MAKI-BALITA: Bam Aquino, tatakbong senador sa 2025: 'Naghahanda na kami'

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...