Roque, binalaang iko-contempt dahil sa 'di pagrespeto' kay Hontiveros sa hearing

By Mary Joy Salcedo

July 30, 2024

In BALITA National

Binalaan ni Senador Win Gatchalian si Atty. Harry Roque na ipapa-contempt siya ng Senado kapag hindi pa raw niya respetuhin sa pagdinig si Senador Risa Hontiveros.

Ito ay matapos magkainitan nina Hontiveros at Roque sa pagdinig ng Senate Committee on Women, Children, Family Relations and Gender Equality nitong Lunes, Hulyo 30, hinggil sa iligal na Philippine Offshore Gaming Operators (POGOs) sa bansa.

Sa naturang pagdinig ay muling tinanong ni Hontiveros si Roque tungkol sa dokumento kung saan nakasaad na tumayo umanong abogado ang huli ng ni-raid na Lucky South 99 sa Porac, Pampanga kamakailan.

“Para patunayan po ‘yung katotohanan na nakasaad sa dokumentong ‘yan, dapat meron pong testigo na nakakita nang ginawa ‘yang dokumentong ‘yan, o hindi naman kaya ‘yung testigo na gumawa ng dokumentong ‘yan, o ‘di naman kaya ‘yung testigo na pumirma ng dokumentong ‘yan. Kapag wala po iyan, hindi po siya pwede,” giit ni Roque.

“Actually as I said earlier…,” saad naman ni Hontiveros ngunit hindi pa rin tumigil sa pagsasalita si Roque.

“Ma’am excuse me,” ani Roque.

“No, excuse ‘me’, Atty. Roque,” pagdidiin naman ni Hontiveros.

“I’m sorry, Madam. But I am a resource person invited. I was asked to answer,” ani Roque.

“Wait, let me finish. Yes, you already answered in excess. Sandali po,” giit ni Hontiveros.

“Hindi ko po maintindihan. Kapag gusto ninyo akong tumigil, papatigilin ninyo ako kapag ako nag-e-explain. I thought we are engaged to search for the truth,” saad naman ni Roque.

“Oh, definitely we are,” pagsasalita ni Hontiveros.

Sa kalagitnaan ng pagtatalo ay nagsalita na si Gatchalian upang sitahin ang pagsabat ni Roque kay Hontiveros.

“Atty. Roque, please be reminded to respect the chairperson,” ani Gatchalian.

“I’m very respectful,” sagot naman ni Roque.

“Paanong respectful eh nagsasalita siya sinasabayan mo siya?” giit naman ni Gatchalian.

“I apologize, Senator Gatchalian,” ani Roque.

“One more and I will cite you in contempt. And if you disrespect the chairperson, we’ll be compelled to cite you in contempt,” saad ni Gatchalian.

“Huwag mo namang sabayan siya, nagsasalita siya. Siya ang chairperson,” dagdag pa niya, dahilan kaya’t muling humingi ng paumanhin si Roque.

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...

VP Sara, nakipag-meet and greet sa 'Inday Sara Supremacy'

Masayang ibinahagi ni Vice President Sara Duterte nitong Sabado, Setyembre 21, ang kaniyang pag-meet and greet sa kaniya raw mga kaibigan sa “Inday Sara Supremacy.”Sa kaniyang Facebook post, nagbahagi si Duterte ng ilang mga larawan ng pakikipanayam daw niya sa grupo noong nakaraang buwan sa Davao City.“Masaya ako na nakasama ang ating mga kaibigan sa Inday Sara Supremacy noong nakaraang...