DOT, DOH, at TIEZA, magtatayo ng tourist first aid facilities sa mga tourist spot-Balita

DOT, DOH, at TIEZA, magtatayo ng tourist first aid facilities sa mga tourist spot

Magandang balita dahil pagtutulungan ng Department of Tourism (DOT), Department of Health (DOH), at Tourism Infrastructure and Enterprise Zone Authority (TIEZA), ang pagtatatag ng Tourist First Aid Facilities sa mga tourist destination sa bansa.

Nabatid na ito ay isa na namang flagship project sa ilalim ng administrasyong Marcos.

Layunin nitong pataasin pa ang safety standards ng mga tourist destinations.

Pinangunahan nina DOT Secretary Christina Garcia Frasco, DOH Secretary Teodoro Herbosa, Jr., at TIEZA Chief Operating Officer (COO) Mark Lapid, na kinatawan ni Assistant COO Atty. Joy Bulauitan, ang ceremonial signing ng Memorandum of Understanding (MOU) para sa proyekto.

Ang aktibidad ay sinaksihan naman nina DOT Assistant Secretary Judilyn Quiachon, TIEZA ACOO Atty. Karen Mae Sarinas-Baydo, at DOH Undersecretary Dr. Elmer Punzalan.

Napag-alaman na ang inisyal na set ng mga Tourist First Aid Facilities ay itatayo sa mga pangunahing key tourist destinations.

Kabilang dito ang La Union, Boracay, Siargao, Panglao, Palawan, at Puerto Galera, o sa mga lugar na may high concentration ng mga turista.

Ang mga naturang pasilidad ay magsisilbi bilang emergency response centers para sa mga turista na nagkaroon ng aksidente o pagkasugat sa kanilang pagbisita at pangangasiwaan ng mga well-trained healthcare professionals.

Mayroon itong mga essential medical supplies at medikasyon upang matiyak ang mabilis at epektibong emergency assistance.

Maglalagay rin umano sila ng lifeguard station o viewing deck para mabantayan ang kaligtasan ng mga turista.

Magtatayo rin umano ng mga solar-powered Tourist First Aid Booths sa beachfront areas, partikular na sa kahabaan ng coastlines, upang tumugon sa agarang pangangailangang medikal ng mga turista.

Ang mga naturang booths ay mayroon ring First Aid supplies, automated external defibrillators (AEDs), pullout stretcher, CCTV camera, at isang two-way communication system na nag-uugnay sa isang command center para sa emergency calls.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...