Sen. Imee, dinepensahan pangingibang-bansa ni VP Sara kahit binabagyo PH

By Mary Joy Salcedo

July 25, 2024

In BALITA National

“Hindi naman niya alam na may bagyo, pambihira naman.”

Ito ang iginiit ni Senador Imee Marcos nang depensahan niya si Vice President Sara Duterte na lumipad pa-Germany kasama ang kaniyang pamilya nitong Miyekules, Hulyo 24, sa gitna ng pananalasa ng bagyong Carina sa malaking bahagi ng bansa.

Sa panayam ng ABS-CBN News, sinabi ni Marcos na matagal na raw naplano ni Duterte ang naturang biyahe patungong Germany.

“Matagal nang plano ‘yun. Hindi naman niya alam na may bagyo, pambihira naman,” giit ni Marcos.

“Nakita naman natin, ang unang umaksyon ay ‘yung OVP. Sa totoo lang, nagkalat na ‘yung mga naka-preposition na pagkain, mga gamot, damit, ikinalat na sa iba’t ibang mga lugar. At palagay ko talagang nakatutok naman sila,” saad pa niya.

Samantala, matatandaan namang nito lamang ding Huwebes ay nauna nang nagpaliwanag ang Office of the Vice President (OVP), at sinabing noon pang Hulyo 9, 2024 nang matanggap ni Duterte ang travel authority mula sa Office of the President (OP) para sa naturang “personal trip” kasama ang kaniyang pamilya.

MAKI-BALITA: OVP, nagsalita hinggil sa pangingibang-bansa ni VP Sara kahit binabagyo PH

“The timing of the trip coinciding with Typhoon Carina is unfortunate. Nonetheless, the Disaster Operations Center of the OVP, institutionalized by the Vice President, is always ready to assist families affected by calamities,” saad ng OVP.

MAKI-BALITA: OVP nagsagawa ng relief operations kahit lumipad pa-Germany si VP Sara

Abalos, kinumpirma intensyon ni Wesley Guo na sumuko

Kinumpirma ni Department of Interior and Local Government (DILG) Secretary Benhur Abalos nitong Sabado, Setyembre 7, na may intensyon na si Wesley Guo, kapatid ni dismissed Bamban, Tarlac mayor Alice Guo, na sumuko sa mga awtoridad.Samantala, tumanggi naman si Abalos na magbigay ng karagdagang detalye hinggil sa kasalukuyang kinaroroonan ni Wesley.“Okay. It’s supposed to be confidential pero...

Sen. Joel Villanueva, pinatutsadahan si Alice Guo: 'You are no celebrity!'

“See you on Monday.” Pinatutsadahan ni Senador Joel Villanueva si dismissed Bamban, Tarlac mayor Alice Guo matapos itong payagan ng Tarlac Regional Trial Court (RTC) Branch 109 na dumalo sa pagdinig ng Senado sa Lunes, Setyembre 9.Sa isang X post nitong Biyernes, Setyembre 6, ibinahagi ni Villanueva ang dokumento kung saan inaprubahan ng Tarlac RTC Branch 109 ang request ni Senador Risa...

Pag-aresto sa puganteng may kaso, di dapat ginagawang social event—Sen. Risa

Nagbigay-paalala si Sen. Risa Hontiveros na ang pag-aresto sa isang puganteng may kinahaharap na patong-patong na kaso ay hindi dapat ginagawang social event.Ito ay matapos maglitawan ang iba't ibang larawan ng selfie sa pag-escort kay dismissed Bamban, Tarlac Mayor Alice Guo pauwi ng Pilipinas, mula sa Indonesia kung saan siya natiklo.'Hindi dapat ginagawang social event ang pag-aresto...