P50K, pabuya sa makapagtuturo sa bumaril sa agilang si 'Mangayon'

By Mary Joy Salcedo

July 20, 2024

In BALITA National

“Justice for Mangayon, justice for the environment!”

Pagkakalooban ng ₱50,000 ang sinumang makapagbibigay ng mahalagang impormasyon upang matukoy ang bumaril sa Critically Endangered Philippine Eagle na si Mangayon na pumanaw na kamakailan.

Base sa ulat ng Manila Bulletin, noong Hulyo 8, 2024 nang matagpuan ng mga sundalo ang nanghihina nang si Mangayon dahil sa tama nito ng baril sa kaliwang pakpak. Namatay raw siya kinagabihan sa Philippine Eagle Center, kung saan siya sinubukang gamutin ngunit hindi na nasalba dahil sa dami ng dugong nawala.

Kaugnay nito, sa isang Facebook post ay mariing kinondena ng Department of Environment and Natural Resources XI (DENR XI) at Provincial Local Government of Davao de Oro ang naging pagpaslang kay Mangayon.

Nakikipag-ugnayan na rin daw ang naturang mga ahensya sa law enforcement agencies upang malaman ang pagkakakilalanlan ng pumaslang sa agila.

Bukod dito, inanunsyo rin ng DENR XI na nag-aalok si Davao de Oro Governor Dorothy Gonzaga ng ₱50,000 para sa sinumang makapagbibigay ng impormasyon sa pagkakakilanlan ng pumaslang kay Mangayon.

“We urge the public to be vigilant and be part of safeguarding our wildlife species and avoiding others to suffer the same fate as Mangayon,” anang DENR XI.

“Please contact DENR-PENRO Davao de Oro through Mr. Jhonitz King P. Isaac at the cellphone number: 09276448394 or through e-mail at [email protected] for any viable information you may have regarding this tragedy.”

“Justice for Mangayon, justice for the environment,” saad pa nito.

Ayon sa Philippine Eagle Foundation (PEF), si Mangayon ika-20 na Philippine eagle na nailigtas mula 2020 at ang ikaapat sa taong ito.

Habagat, magpapaulan sa ilang bahagi ng bansa -- PAGASA

Inaasahang makararanas ng mga pag-ulan ang ilang bahagi ng bansa ngayong Linggo, Setyembre 22, bunsod ng southwest monsoon o habagat, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA kaninang 4:00 ng madaling araw, inaasahang magdadala ang habagat ng maulap na kalangitan na may kalat-kalat na pag-ulan at thunderstorms sa Ilocos Region,...

Anna Mae Yu Lamentillo itinalaga bilang Editor in Chief ng LSE International Development Review

London, UK – [Setyembre 17] – Ikinagagalak ng London School of Economics (LSE) International Development Review (IDR) na ipahayag ang pagkakatalaga kay Anna Mae Yu Lamentillo bilang bagong Editor in Chief. Si Lamentillo ay humalili kay Hannah Pimentel, na dati nang namuno sa journal nang may katangi-tanging tagumpay. Sa kasalukuyan, si Lamentillo ay nag-aaral ng MSc in Cities sa LSE at...

Pagkakaisa ng mga mamamayan, susi sa tunay na paglaya -- KMU Sec. Adonis

“Ititindig natin ang gobyerno ng mamamayang Pilipino.”Sa gitna ng paggunita sa ika-52 anibersaryo ng deklarasyon ng Martial Law, iginiit ni Kilusang Mayo Uno (KMU) Secretary General at Makabayan senatorial bet Jerome Adonis na nananatili pa rin sa kasalukuyan ang paghihirap ng mga manggagawa at masang Pilipino, ngunit sa pagkakaisa raw ng mga mamamayan makakamit ang tunay na paglaya.Sa...