Hontiveros, nanawagang ideklara Hulyo 12 bilang 'WPS Victory Day'

By Mary Joy Salcedo

July 12, 2024

In BALITA National

Nanawagan si Senador Risa Hontiveros na ideklara ang Hulyo 12 kada taon bilang West Philippine Sea (WPS) Victory Day upang ipagdiwang umano ang araw kung kailan nanalo ang Pilipinas laban sa China sa Permanent Court of Arbitration.

“Ngayong araw, July 12, ipagdiriwang natin ang #WestPhilippineSea Victory Day,” pahayag ni Hontiveros nitong Biyernes, Hulyo 12, 2024.

“Walong taon na ang nakalipas mula nung nanalo ang Pilipinas laban sa Tsina sa Permanent Court of Arbitration.”

Ayon pa sa senadora, dapat ipinagdiriwang ang WPS Victory Day kada taon hindi lamang upang alalahanin ang pagkapanalo ng Pilipinas noong 2016, kundi bilang paraan din para igiit ang laban ng bansa sa pinag-aagawang teritoryo.

“We should celebrate WPS Victory Day every year, not just to remember our 2016 win, but also as a way to assert our just and rightful ownership of the WPS. This is also an opportune time to show our biggest aggressor, China, that the Philippines will stand as one in the fight for our sovereignty,” ani Hontiveros.

“Ipagdiwang natin ang WPS Victory Day para taon-taong ipagsigawan sa buong mundo: Atin ang West Philippine Sea. Atin ang Pinas!” saad pa niya.

'Huwag na sana natin palakihin pa!' Kiko, nag-react sa pagkikita nina VP Sara, Leni

Nagbigay ng reaksiyon si dating senador at vice presidential candidate Atty. Kiko Pangilinan sa pinag-usapang pagbisita ni Vice President Sara Duterte sa tahanan ni dating Vice President Leni Robredo sa kapistahan ng Our Lady of Peñafrancia sa Naga City, Camarines Sur na naganap kamakailan.MAKI-BALITA: VP Sara Duterte, binisita si Ex-VP Leni Robredo sa NagaAyon kay Kiko, noon pa mang nabubuhay...

Mark Andrew Yulo, inimbitahan ni Sen. Bong Go sa PBA game

Ibinahagi ng tatay ni two-time Olympic gold medalist Carlos Yulo na si Mark Andrew Yulo ang ilang mga larawan ng pagtatagpo nila ni Sen. Bong Go sa naganap na PBA game sa Ninoy Aquino Stadium. Ayon sa simpleng Facebook post ni Yulo noong Setyembre 20, nagpasalamat siya sa senador sa imbitasyon nito sa kaniyang manood ng PBA game. Batay sa hashtag ay mukhang maka-Ginebra team ang tatay ni...

PBBM, naiilang kapag pinapasalamatan sa ibinibigay na serbisyo: 'Hindi ko pera 'yan!'

Nagbigay ng reaksiyon si Pangulong Ferdinand “Bongbong” Marcos, Jr. sa birthday message ng isang netizen para sa kaniya.Sa latest vlog kasi ng pangulo nitong Linggo, Setyembre 22, ay tampok ang mga birthday greet na natanggap niya mula sa iba’t ibang ospital.At kasama sa mga naitampok ay ang komento ng isang netizen tungkol sa mga programa ng pangulo sa healthcare ng bansa. “Still...