VP Sara, hindi dadalo sa SONA ni PBBM

By Richard De Leon

July 11, 2024

In BALITA

Kinumpirma mismo ni Vice President Sara Duterte na hindi siya dadalo sa ikatlong State of the Nation Address (SONA) ni Pangulong Ferdinand "Bongbong" Marcos, Jr. sa darating na Hulyo 22, 2024.

Sinabi ito ni Duterte sa naganap na inauguration ng Child and Adolescent Neurodevelopment Center sa isang ospital sa Davao City nitong Huwebes, Hulyo 11.

Pahayag ng pangalawang pangulo, "I will not attend the SONA... I am appointing myself as the designated survivor."

Hindi na nagbigay ng detalye si VP Sara kung bakit hindi siya dadalo sa SONA.

Bukod sa kaniya, hindi rin makadadalo sa SONA ang mga dating pangalawang pangulo ng bansa gaya nina Kabayan Noli De Castro, Jejomar Binay, at Leni Robredo.

Matatandaang kamakailan lamang ay nagbitiw bilang gabinete ng pangulo si VP Sara, bilang kalihim ng Department of Education (DepEd). Ang papalit naman sa kaniya ay si Senador Sonny Angara. Sa kabila nito, ipinangako ni VP Sara na mananatili siya sa pagganap sa tungkulin bilang pangalawang pangulo ng bansa.

MAKI-BALITA: VP Sara sa pagbibitiw bilang DepEd Secretary: ‘Hindi lulan ng kahinaan’

Sa mga nagdaang buwan ay naging laman din ng balita ang mga tirada ng kaniyang amang si dating Pangulong Rodrigo Duterte at mga kapatid na sina Cong. Paolo "Pulong" Duterte at Davao City Mayor Sebastian "Baste" Duterte laban sa administrasyon.

Fred Pascual, nagbitiw bilang DTI Secretary

Nagbitiw sa kaniyang tungkulin si Fred Pascual bilang Department of Trade and Industry (DTI) ayon sa Presidential Communication Office (PCO) na magiging epektibo sa Agosto 2.Sa inilabas na pahayag ng PCO nitong Miyerkules, Hulyo 31, sinabi nilang nakipagkita umano si Pangulong Ferdinand “Bongbong” Marcos, Jr. kay Pascual upang tanggapin ang pagbibitiw at ang mahalagang serbisyong ibinigay nito...

Batang PWD, na-trap sa nasusunog na bahay, patay!

Patay ang 10-anyos na batang lalaki, na isa umanong person with disability (PWD), nang makulong sa nasusunog nilang tahanan sa Paco, Manila nitong Miyerkules, Hulyo 31.Kinilala lang ang biktima sa alyas na 'Den,' na bangkay na nang matagpuan sa ikalawang palapag.Batay sa ulat ng Manila Bureau of Fire Protection (BFP), dakong alas-10:20 ng umaga nang magsimula ang sunog sa bahay ni...

ALAMIN: Proseso ng voter registration at ano ang mga kailangang dalhin

NAKAPAGPAREHISTRO KA NA BA?Sa Setyembre 30, 2024 na ang nakatakdang deadline ng voter registration para sa 2025 National and Local elections, kaya kung hindi ka pa nakakapagparehistro, alamin ang proseso nito at anu-anong mga dokumento ang kailangang dalhin.Nagsimula noong Pebrero 12, 2024 ang voter registration para sa 2025 NLE at magtatapos ngayong Setyembre 30. Para magparehistro magtungo...