FPRRD, posibleng kasuhan ng 'obstruction of justice' dahil kay Quiboloy

By Mary Joy Salcedo

July 08, 2024

In BALITA National

Posibleng maharap sa kasong “obstruction of justice” si dating Pangulong Rodrigo Duterte dahil sa naging pahayag nito kamakailan na alam niya kung nasaan si Pastor Apollo Quiboloy, ngunit “secret” lang daw niya.

Sinabi ito ni Philippine National Police (PNP) chief Gen. Rommel Francisco Marbil sa isang press briefing nitong Lunes, Hulyo 8.

Ayon kay Marbil, ang “obstruction of justice” o Presidential Decree No. 1829 ang maaaring ikaso sa mga taong nagtatago hindi sinasabi kung nasaan kung nasaan ang isang puganteng pinaghahanap ng mga awtoridad, tulad ni Quiboloy.

Kaugnay nito, sinabi ng PNP chief na pinag-aaralan na nila ang naging pahayag ni Duterte hinggil sa kinaroroonan ni Quiboloy.

MAKI-BALITA: Ex-Pres. Duterte, alam kung nasaan si Pastor Quiboloy: 'Pero secret!'

“We are looking for any statement na nagsasabi kung nasaan ang tao. Pinag-aaralan po namin kung talagang papasok po doon sa PD 1829. We are just waiting for witnesses po na ito po ang sinabi niya para mag-file po ang PNP kung talagang nagwa-warrant po rito sa PD 1829,” saad ni Marbil.

Samantala, sa naturang press briefing ay inanunsyo naman ni Department of the Interior and Local Government (DILG) Secretary Benhur Abalos na bibigyan ng ₱10 milyong pabuya ang sinumang makapagbibigay ng impormasyong magiging dahilan ng pagka-aresto kay Quiboloy.

Ang naturang pagbibigay-pabuya sa kay Quiboloy ay may kaugnayan daw sa kinahaharap niyang kasong sa kasong “ANTI-TRAFFICKING IN PERSONS ACT OF 2003 (RA 9208 AS AMENDED BY RA 10364), REPUBLIC ACT 7610 (SPECIAL PROTECTION OF CHILDREN AGAINST ABUSE, EXPLOITATION, AND DISCRIMINATION ACT), AND CONTEMPT OF COURT.”

MAKI-BALITA: P10M pabuya, ibibigay sa makapagtuturo kay Quiboloy -- Abalos

Pagbabawas ng isang taon sa kolehiyo, isinusulong ng party-list

Isa raw sa mga isusulong na plataporma ng EDU-AKSYON Party-list sa kongreso ay ang pagbabawas ng kurikulum sa kolehiyo nang maghain sila ng certificate of nominations and acceptance (CONA) ngayong Linggo, Oktubre 6, sa The Manila Hotel Tent City.Sa panayam ng media sa grupo, inilatag ni EDU-AKSYON Secretary General Domingo Brum, Jr. ang ilang detalye tungkol sa kanilang nasabing plataporma.“Isa...

Ex-Pres. Duterte sa mga kriminal sa Davao City: ‘Find another place!’

Matapos niyang ianunsyo na tatakbo siyang muli bilang mayor ng Davao City, binalaan ni dating Pangulong Rodrigo Duterte ang mga kriminal, lalo na raw ang mga sangkot sa ilegal na droga, na umalis na umano sa lungsod kung ayaw nilang humarap sa “consequences.”Sa isang press conference nitong Sabado, Oktubre 5, na inulat ng Manila Bulletin, iginiit ni Duterte na malawak ang Pilipinas na maaaring...

De Lima, hinamon si Roque na sumuko: 'Hindi 'yung nagtatapangan lang siya!'

Hinamon ni dating Senador Leila de Lima si dating Presidential spokesperson Harry Roque na huwag “magtatapag-tapangan” bagkus ay sumuko na kung wala naman daw siyang tinatago.Sa kanilang paghain ng certificate of nomination and acceptance (CONA) ng Mamamayang Liberal Party-list (ML) kung saan siya ang first nominee, iginiit ni De Lima na dapat lang na magpakita na si Roque dahil kung siya nga...