Niyanig ng magnitude 5.0 na lindol ang probinsya ng Northern Samar nitong Linggo ng madaling araw, Hulyo 7, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan bandang 2:01 ng madaling araw.
Namataan ang epicenter nito 10 kilometro ang layo sa hilagang-kanluran ng Lope De Vega, Northern Samar, na may lalim na 80 kilometro.
Naiulat ang Intensity IV sa Lope de Vega, Catarman, Bobon, Mondragon, Palapag, San Roque, Pambujan, San Jose, Rosario, Lavezares, San Isidro, Victoria, Silvino Lobos, at Catubig, NORTHERN SAMAR; City of Calbayog at Santa Margarita, SAMAR.
Itinaas naman sa Intensity III ang Allen, Laoang, Mapanas, Gamay, Lapinig, at Capul, NORTHERN SAMAR; Arteche, San Policarpo, Dolores, Oras, Can-avid, Taft, San Julian, at Sulat, EASTERN SAMAR; Gandara, Tarangnan, City of Catbalogan, San Jorge, Motiong, Paranas, Pinabacdao, Calbiga, at Villareal, SAMAR.
VP Sara supporters, dumagsa sa Davao City para sa 'Inday Sara Duterte 2028 Movement' rally
Intensity II naman sa Santa Rita and Basey, SAMAR; City of Borongan, Maydolong, Llorente, at Hernani, EASTERN SAMAR; CITY OF TACLOBAN; Babatngon at San Miguel, LEYTE.
Posible umanong magkaroon ng aftershocks ang lindol, ngunit hindi naman inaasahang magdudulot ng pinsala ang nasabing pagyanig.
