Dahil mataas presyo ng bilihin: ₱35 umento sa sahod sa NCR, kulang

Binatikos ni Senate President Francis "Chiz" Escudero ang ₱35 umento sa sahod na inaprubahan ng Regional Tripartite Wages and Productivity Board (RTWPB) noong Hulyo 1.

BASAHIN: Minimum wage sa NCR, ₱645 na!

Para kay Escudero, kulang at malayong matugunan ng dagdag ₱35 ang tunay na pangangailangan ng mga Pilipino dahil nahaharap ngayon ang bansa sa mataas ng presyo ng bilihin.

"Maliwanag na kulang at malayo na matugunan ang tunay na mga pangangailangan ng ating mga kababayan sa gitna ng mataas na presyo ng bilihin," saad ng senador nitong Martes, Hulyo 2.

Dahil dito, kinuwestiyon niya ang naging basehan ng RTWPB kung paano humantong sa ₱35 umento sa sahod.

"Bakit nga ba palaging kulang ang binibigay na omento ng RTWPB? Ni minsan ay hindi pa sila tumama mula nang nilikha ang ahensyang 'yan. Saan ba sila bumibili ng bigas? Nag-grocery? Nag-palengke? Pa-share naman kamo kasi baka sobrang mura dun at kasya ang dagdag na ₱35 sa sahod na binigay nila," pangunguwestiyon ni Escudero.

Binigyang-diin ng senate president na nagpasa ang Senado ng panukalang batas na nagmumungkahi ng ₱100 across-the-board wage increase, na ayon sa kaniya, ito dapat ang 'minimum increment.'

Iginiit niya na kahit na ang halagang ito ay maaaring hindi pa rin sapat upang matugunan ang constitutional mandate na magbigay ng "living wage" sa halip na isang "minimum wage."

"Patuloy na ipaglalaban at tatayuan ng Senado ang prinsipyo at paniniwala na: 'ang konting bawas sa kita ng negosyante (na di naman nila ikalulugi) ay malaking pakinabang at tulong sa ating mga manggagawa," ayon pa kay Escudero.

Sa naturang pagtaas ng minimum wage, magiging ₱645 ang sahod ng mga non-agriculture workers sa pribadong sektor, habang ₱608 naman sa agriculture workers, sa service and retail establishments na may 15 o mas mababang bilang ng manggagawa, at manufacturing establishments na hindi tataas sa 10 manggagawa.

BASAHIN: Minimum wage sa NCR, ₱645 na!

Epektibo ang ₱35 umento sa sahod sa Hulyo 17, 2024.

Riot sa basketball championship sa Muntinlupa, iimbestigahan ni Mayor Biazon

Ikinalungkot ni Muntinlupa Mayor Ruffy Biazon ang nangyaring kaguluhan sa championship game ng dalawang barangay sa lungsod sa ginanap na La Liga de Muntinlupa Basketball Tournament 2024 nitong Hulyo 5.Nangyari ang kaguluhan nang magkaroon ng komprontasyon sa pagitan ng isang player at ng referee. Dahilan para magtungo ang mga tao sa loob ng court at nagbabato ng mga monoblock chairs at mga bote...

Petisyong kanselahin birth certificate ni Alice Guo, inihain ng OSG

Pormal nang inihain ng Office of the Solicitor General (OSG) sa Tarlac City Regional Trial Court ang petisyong kanselahin ang birth certificate ni suspended Bamban, Tarlac Mayor Alice Guo.Base sa ulat ng Manila Bulletin, inihain ng OSG, sa ngalan ng Philippine Statistics Authority (PSA), ang petisyon ng pagkansela ng certificate of live birth (COLB) ni Guo nitong Biyernes, Hulyo 5.Inihayag ng OSG...

Go sa isinampang kaso ni Trillanes sa kanila ni FPRRD: 'Our conscience is clear'

Itinanggi ni Senador Bong Go na may katotohanan ang tungkol sa kasong plunder at graft na inihain ni Senador Antonio Trillanes IV laban sa kanila ni dating Pangulong Rodrigo Duterte.Matatandaang nitong Biyernes, Hulyo 5, nang maghain si Trillanes ng plunder at graft complaints laban kina Go at Duterte sa Department of Justice (DOJ) kaugnay ng umano’y anomalya sa kabuuang ₱6.6 billion...