Matapos magbitiw bilang kalihim: VP Sara, tutok sa pag-turn over ng DepEd

By Mary Joy Salcedo

June 30, 2024

In BALITA National

Inihayag ni Vice President Sara Duterte na kasalukuyang siyang nakatutok sa pagte-turn over ng Department of Education (DepEd) matapos niyang ianunsyo kamakailan ang kaniyang pagbibitiw bilang kalihim nito.

Sa isang panayam nitong Sabado, Hunyo 29, na inulat ng Manila Bulletin, sinabi ni Duterte na ang pinagkakaabalahan niya ngayon ay ang pag-transistion ng DepEd at ang pagpapatuloy ng mga proyekto ng Office of the Vice President (OVP).

“Ang gawa natin ngayon ay ito, ang pagtutok sa transition, turn over ng Department of Education, at ang ating pagpapatuloy ng mga proyekto sa ilalim ng Pangalawang Pangulo ng Pilipinas,” ani Duterte.

Matatandaang noong Hunyo 19, 2024 nang ianunsyo ni Duterte ang kaniyang pagbibitiw bilang kalihim ng DepEd, na magiging epektibo sa Hulyo 19, 2024.

MAKI-BALITA: VP Sara sa pagbibitiw bilang DepEd Secretary: ‘Hindi lulan ng kahinaan’

Magiging epektibo naman ang kaniyang pagbibitiw pagkatapos ng isang buwan o sa Hulyo 19, 2024.

Kaugnay nito, sinabi ni Duterte na plano niyang dumalo pa rin sa events ng DepEd sa buwan ng Hulyo, tulad ng pagsisimula ng seremonya ng “Palarong Pambansa” sa Hulyo 9 sa Cebu City Sports Center.

San Juan City Mayor Zamora at Boy Dila, nagkaharap na

Iniharap ni San Juan City Mayor Francis Zamora sa media si Lexter Castro alyas 'Boy Dila,' ang nag-viral na lalaking nambasa sa isang rider habang nakadila sa naganap na 'Wattah Wattah Festival' sa nabanggit na lungsod noong Hunyo 24.Matatandaang pinahanap ng lokal na pamahalaan ng San Juan si Castro upang makaharap ito ni Mayor Zamora at personal na mapagsabihan sa kaniyang...

Hontiveros, inaasahang masinop na gugugulin ni Angara ang pondo sa edukasyon

Inilahad ni Risa Hontiveros ang inaasahan niya sa kapuwa senador na si Sonny Angara matapos nitong italaga bilang bagong kalihim ng Department of Education.Sa Facebook post ni Hontiveros nitong Martes, Hulyo 2, tila natuwa siya na pinili ni Pangulong Ferdinand “Bongbong” Marcos, Jr. si Angara para maging kahalili ni Vice President Sara Duterte na nagbitiw kamakailan sa pwesto.“Ngayong may...

PBBM, FL Liza binati si 'Mama Meldy' sa 95th b-day

Nagpaabot ng pagbati para sa ika-95 kaarawan ni dating First Lady Imelda Marcos si Pangulong Ferdinand 'Bongbong' Marcos, Jr. na mababasa sa kaniyang opisyal na Facebook account.'Happy HAPPY birthday mom ,' anang PBBM.'Thank you for teaching me and your grandchildren to be gracious, kind and compassionate .'Bongbong Marcos - Happy HAPPY birthday mom Thank you for......