'Boy Dila' dinagsa ng fake booking, gustong ipadala sa WPS-Balita

"Dinogshow" at pinagtripan ng mga netizen ang viral "Boy Dila" na si Lexter Castro matapos mag-init ang ulo ng mga netizen dahil sa kaniyang pambabasa at pandidila sa isang rider sa "Wattah Wattah Festival" sa San Juan City gamit ang water gun, na mapapanood sa video ng isang nagngangalang "Gian Russel Bangcaray."

Tuwing sasapit ang Hunyo 24, taon-taong nagbabasaan ang mga residente sa San Juan City bilang paggunita at pagpupugay sa kanilang patron saint na si St. John The Baptist.

Matapos kuyugin ng mga netizen dahil daw sa nakababanas niyang behavior, naglabas ng video si Boy Dila na nagpapaliwanag kung bakit niya ginawa iyon. Mas lalong nabanas ang mga netizen dahil sa halip daw na humingi ng tawad ay nangatwiran pa siya.

Katwiran niya, hindi naman daw niya sinaktan ang delivery rider sa video kundi binasa lamang, at katwiran niya, iyon naman daw talaga ang ginagawa sa tuwing sasapit ang kanilang kapistahan.

Dagdag pa niya, kung ayaw sana mabasa nang araw na iyon, sana raw ay hindi na lamang sila dumaan sa nabanggit na lugar kung saan nagaganap ang basaan.

"Unang-una hindi ko sinaktan si Manong, binasa ko lang siya, nagpaalam ako sa kaniya, sabi ko 'Babasain kita' sabi niya 'Hindi puwede kasi may meeting siya' pero binasa ko pa rin siya kasi fiesta eh," aniya.

"Wag kayong dadaan ng San Juan kapag June 24, alam naman ng taumbayan 'yan," dagdag pa niya.

Sa inis ng mga netizen sa kaniya, bet daw siyang ipadala sa West Philippine Sea para gantihan ng water canon ang mga sundalong Chinese na nagbubuga ng tubig sa mga sundalong Pilipino.

Pinagtripan din siya ng mga netizen at nag-book ng iba't ibang items para sa kaniya, na idinedeliver naman ng mga rider. Kalat sa TikTok ang cellphone number at address niya kaya marami ang nag-effort na inisin siya.

Kung ano-anong bagay ang ipinadala sa kaniya gaya ng pagkain, mga kasangkapan sa bahay, pati yero, semento, at bakal pa raw.

Subalit panawagan naman ng mga netizen na huwag na sanang gawin ito dahil kawawa naman ang mga rider na hindi nababayaran dahil sa fake booking.

MAKI-BALITA: Viral 'Boy Dila' sa basaan: 'Wag kayo dadaan sa San Juan 'pag June 24!'

Dagdag na ₱35 sa minimum wage, pang-hampaslupa

Naniniwala si Gabriela Women’s Party-list Representative Arlene Brosas na 'insulto' sa mga manggagawang Pilipino sa National Capital Region (NCR) ang umentong ₱35 sa suweldo, at hindi umano sapat upang matugunan ang mga pangangailangan sa kasalukuyan.'This ₱35 increase is an insult to Filipino workers. It's barely different from the ₱25 wage hike implemented way back in...

Leody De Guzman, pinalagan ₱35 na dagdag sa minimum wage

Nagbigay ng pahayag ang labor leader na si Leody De Guzman kaugnay sa dagdag na ₱35 sa arawang sahod ng mga manggagawa sa National Capital Region o NCR.Sa latest Facebook post ni De Guzman nitong Lunes, Hulyo 1, sinabi niya na isa umanong insulto ang nasabing halagang idnagdag sa mga manggagawa sa kalakhang Maynila. “Ang Wage Order 25 ng RTWPB-NCR, na nagbigay ng P35 dagdag sa arawang sahod...

Lalaki, tinaga sa ulo, patay

Patay ang isang lalaki nang tagain sa ulo ng kaniyang nakaalitan sa Rodriguez, Rizal, nitong Linggo.Kaagad na binawian ng buhay ang biktimang si Birgo Reno, 55, ng Sitio Laan, habang nakatakas naman at tinutugis na ng mga awtoridad ang suspek, na kinilala lang sa alyas na ‘Rene,’ 59, ng Sitio Proper 2, kapwa sa Brgy. Macabud, sa Rodriguez.Batay sa ulat ng Rodriguez Municipal Police Station,...