Manuel sa 'di pagdalo ni Bato sa pagdinig ng Kamara sa 'drug war': 'Takot yarn?'

By MJ Salcedo

June 27, 2024

In BALITA

Inalmahan ni Kabataan Partylist Rep. Raoul Manuel ang naging pahayag ni Senador Ronald “Bato” dela Rosa na hindi siya dadalo sa pagdinig ng Kamara hinggil sa “war on drugs” ng administrasyong Duterte dahil sa payo ni Senate President Chiz Escudero.

Matatandaang noong Martes, Hunyo 25, nang sabihin ni Dela Rosa na nagdesisyon siyang hindi dumalo sa pagdinig ng Kamara dahil sa payo umano ni Escudero.

Sa isa namang Facebook post nitong Miyerkules, Hunyo 26, iginiit ni Manuel na hindi dapat hayaang magpalusot ang senador upang hindi makadalo sa pagdinig.

“Takot yaaarn?!? Dapat hindi hayaang magpalusot ang senador na former PNP chief,” ani Manuel.

“I know of a House member who attended a Senate hearing during their term without asking the advice or recommendation of the House leadership. The same should apply to senators... with all due respect. Just saying,” saad pa niya.

Si Dela Rosa ang nagsilbing hepe ng Philippine National Police (PNP) nang simulan ang madugong giyera kontra droga sa bansa, sa ilalim ng administrasyon ni dating Pangulong Rodrigo Duterte.

MAKI-BALITA: FPRRD, Sen. Bato imbitado sa pagdinig ng Kamara sa ‘drug war killings’

Kaugnay nito, inihayag ni human rights lawyer Chel Diokno kamakailan na base sa 2017 year-end accomplishment report ng Office of the President (OP) sa ilalim ng administrasyong Duterte, 20,322 drug suspects umano ang napatay sa giyera kontra droga sa bansa mula Hulyo 2016 hanggang Nobyembre 2017.

MAKI- BALITA: 20,332 indibidwal, napatay sa ‘drug war’ ng Duterte admin – Diokno

Fingerprint ng ikatlong 'Alice Guo', 'di tugma kay Mayor Alice Guo

Isiniwalat ng National Bureau of Investigation (NBI) nitong Miyerkules, Hulyo 3, na hindi tugma ang fingerprint ng ikatlong 'Alice Guo' kay suspended Bamban, Tarlac Mayor Alice Guo.Ang ikatlong 'Alice Guo' at si Mayor Alice ay pareho ng petsa ng kaarawan na Hulyo 12, 1986, at pareho ring ipinanganak sa Tarlac, dahilan para pag-aralan ng NBI ang fingerprint ng una base sa NBI...

Plano raw ng DILG na pagpaliwanagin si Mayor Baste, walang katotohanan — Abalos

Naglabas ng pahayag si Department of the Interior and Local Government (DILG) Secretary Benhur Abalos kaugnay sa ulat ng isang pahayagan.Sa Facebook post ni Abalos nitong Martes, Hulyo 2, pinabulaan niya ang nakasaad sa ulat tungkol kay Davao City Mayor Sebastian “Baste” DuterteAyon sa ulat: “Plano ng DILG na pagpapaliwanagin si Baste kung bakit wala ito sa kanyang nasasakupan o pwesto...

Zamora sa 'perwisyo' ng Wattah Wattah Festival: 'Babawi tayo San Juan!'

Ipinangako ni San Juan City Mayor Francis Zamora na 'babawi' ang San Juan sa hindi matigil-tigil na isyu kaugnay sa ilang mga 'pasaway' na residente ng lungsod na umano'y nagdulot ng perwisyo sa 'Wattah Wattah Festival' na taunang ipinagdiriwang tuwing Hunyo 24.Ang nabanggit na kapistahan, na tinatawag ding 'Basaan,' ay pagpupugay sa pintakasi ng...