Hontiveros, may 'tatlo' rin na bet na tumakbo sa Senado

By Balita Online

June 27, 2024

In BALITA

Nagpahayag ng suporta si Senador Risa Hontiveros para sa tatlong nais niyang tumakbo bilang senador sa 2025 midterm elections.

Sa isang Facebook post nitong Miyerkules, Hunyo 26, nagbahagi si Hontiveros ng isang larawan kasama sina dating Senador Kiko Pangilinan, dating Senador Bam Aquino, at human rights lawyer Chel Diokno.

“Ito ang tatlo ko! Atty. Chel Diokno Kiko Pangilinan Bam Aquino ,” ani Hontiveros.

Nagbigay naman ng komento si Aquino sa post ng senadora at sinabing: “Dagdagan natin si Senator Risa ng resbak sa Senado. Tara, G? .”

Bago naman ang naturang post ni Hontiveros, nagbahagi si Aquino sa kaniyang Facebook page ng larawa n nila nina Pangilinan at Diokno.

“Uhmm hello guys #ParaSaPILIPINAS ,” caption ni Aquino sa naturang post.

Kamakailan lamang ay kinumpirma ni Aquino na tatakbo siya bilang senador, habang hindi pa naman pormal na inaanunsyo nina Pangilinan at Diokno ang hinggil dito.

MAKI-BALITA: Bam Aquino, tatakbong senador sa 2025: 'Naghahanda na kami'

Samantala, ang matatandaang noong Martes, Hunyo 25, nang kumpirmahin ni Vice President Sara Duterte na tatakbo bilang senador sa 2025 ang kaniyang amang si dating Pangulong Rodrigo Duterte, maging ang kaniyang mga kapatid na sina Davao Congressman Paolo Duterte at Davao City Sebastian Duterte.

MAKI-BALITA: Tatlong Duterte, tatakbo sa pagka-senador sa 2025

Riot sa basketball championship sa Muntinlupa, iimbestigahan ni Mayor Biazon

Ikinalungkot ni Muntinlupa Mayor Ruffy Biazon ang nangyaring kaguluhan sa championship game ng dalawang barangay sa lungsod sa ginanap na La Liga de Muntinlupa Basketball Tournament 2024 nitong Hulyo 5.Nangyari ang kaguluhan nang magkaroon ng komprontasyon sa pagitan ng isang player at ng referee. Dahilan para magtungo ang mga tao sa loob ng court at nagbabato ng mga monoblock chairs at mga bote...

Petisyong kanselahin birth certificate ni Alice Guo, inihain ng OSG

Pormal nang inihain ng Office of the Solicitor General (OSG) sa Tarlac City Regional Trial Court ang petisyong kanselahin ang birth certificate ni suspended Bamban, Tarlac Mayor Alice Guo.Base sa ulat ng Manila Bulletin, inihain ng OSG, sa ngalan ng Philippine Statistics Authority (PSA), ang petisyon ng pagkansela ng certificate of live birth (COLB) ni Guo nitong Biyernes, Hulyo 5.Inihayag ng OSG...

Go sa isinampang kaso ni Trillanes sa kanila ni FPRRD: 'Our conscience is clear'

Itinanggi ni Senador Bong Go na may katotohanan ang tungkol sa kasong plunder at graft na inihain ni Senador Antonio Trillanes IV laban sa kanila ni dating Pangulong Rodrigo Duterte.Matatandaang nitong Biyernes, Hulyo 5, nang maghain si Trillanes ng plunder at graft complaints laban kina Go at Duterte sa Department of Justice (DOJ) kaugnay ng umano’y anomalya sa kabuuang ₱6.6 billion...