QC may pa-'graduation rights' sa LGBTQIA+ students na di nakamartsa sa paaralan

By Richard de Leon

June 22, 2024

In BALITA National

Nagsagawa ng espesyal na "graduation rights (rites)" ang lokal na pamahalaan ng Quezon City sa mga estudyanteng bahagi ng LGBTQIA+ community na pinagbawalan o hindi nakapagmartsa sa sariling graduation ceremony ng kani-kanilang paaralan dahil sa mga ipinatutupad na "dress code restrictions."

Sa mga kuhang larawan ni Hannah Nicol ng Manila Bulletin, makikita ang daan-daang estudyante mula sa mga paaralan sa Quezon City na dumalo sa nabanggit na pagtitipon habang nakasuot ng puting toga.

Ang kanilang graduation cap naman ay kulay-rainbow na sumisimbolo sa LGBTQIA+ community. Pinangunahan ito ni Quezon City Mayor Joy Belmonte. Panauhin din nila si Frontline Pilipinas showbiz news anchor KaladKaren Davila o Jervi Li.

Ang Quezon City ay isa sa mga "LGBTQIA+ community-friendly" na lungsod sa Metro Manila. Sa katunayan, isasagawa sa Quezon City Memorial Circle ang "Love Laban 2 Pride Festival" na inorganisa ng Pride PH para sa pagdiriwang ng Pride Month ngayong buwan ng Hunyo.

Inaasahang dadaluhan ito ng mga sikat na personalidad na bahagi ng komunidad at allies, kabilang na si Unkabogable Star at "It's Showtime" host Vice Ganda.

PBBM sa National Teacher's Day: 'I wish you a joyful and productive celebration'

Nagpaabot ng mensahe si Pangulong Ferdinand “Bongbong” Marcos, Jr. para sa mga guro bilang bahagi ng National Teacher’s Day Celebration ngayong Sabado, Oktubre 5.Sa mensaheng inilabas ng Malacañang, sinabi ng pangulo na kinikilala umano nila ang lahat ng guro sa iba’t ibang panig ng mundo na ibinabahagi ang kahalagahan ng kahusayan at pagsisikap.“We acknowledge our educators all around...

Labor leader Sonny Matula, muling tatakbong senador sa 2025

Muling tatakbo ang lider-manggagawang si Atty. Sonny Matula bilang senador sa 2025 midterm elections upang patuloy raw na isulong ang karapatan ng mga manggagawa sa bansa, tulad ng pagpapataas ng kanilang mga sahod.Naghain ng certificate of candidacy (COC) si Matula nitong Sabado, Oktubre 5, sa The Manila Hotel Tent City.'Now na ang panahon para sa pagbabago, bagong dugo at bagong mukha naman...

Davao Occidental, niyanig ng magnitude 4.0 na lindol

Niyanig ng magnitude 4.0 na lindol ang probinsya ng Davao Occidental nitong Sabado ng umaga, Oktubre 5.Sa tala ng Philippine Institute of Volcanology and Seismology (Phivolcs), nangyari ang lindol na tectonic ang pinagmulan dakong 6:22 ng umaga. Namataan ang epicenter nito 431 kilometro ang layo sa timog-silangan ng Balut Island sa munisipalidad ng Sarangani, Davao Occidental, na may lalim na 249...