Ikinagulat ni dating Vice President Leni Robredo na ang ilang miyembro ng pelikulang “Un/Happy For You” ay nag-volunteer sa kaniyang kampanya noong tumakbo siya bilang presidente no’ng 2022.
Sa isang Facebook post nitong Biyernes, Hunyo 21, ibinahagi ni Robredo na nag-lunch sila ng aktres na si Julia Barretto. Ininvite rin daw siya ng aktres na bumisita sa set ng upcoming movie nila ni Joshua Garcia na “Un/Happy For You.”
“Lunch with Julia in Naga. She invited me to visit the set after. Very pleasant surprise to know that a number of the members of the team volunteered during the campaign, including their director, Petersen Vargas,” anang dating bise presidente.
Ex-VP Leni, tatakbong mayor ng Naga City – Lagman
“Ang saya sa set. Met Joshua, Kaila, Ketchup, Noni Buencamino (his wife, Shamaine, is from Naga), and the rest of the artists and crew,” dagdag pa ni Robredo.
“95% of (Un)happily For You is being shot in Naga kaya dapat madalan kan mga taga Naga Magayonon ang istorya.”
Ang “Un/Happy For You” ay comeback movie nina Joshua at Julia, na kilala ring sa tambalan na “JoshLia.”
