Kinondena ng Akbayan Party ang naging pagdepensa ni dating Pangulong Rodrigo Duterte kay Pastor Apollo Quiboloy at ang pananahimik daw nito sa naging pag-atake ng China sa mga Pilipino sa West Philippine Sea (WPS).
Ang naturang pahayag ng Akbayan ay matapos maglabas ng pahayag ni Duterte nitong Lunes, Hunyo 10, hinggil sa kaniyang pagkondena sa “excessive force” umano ng pulisya sa pagsisilbi ng warrants of arrest ni Quiboloy kaugnay ng mga kasong qualified human trafficking na isinampa laban sa kaniya at sa limang iba pa.
"While our courageous Filipino fishers and frontliners brave constant threats from Chinese aggression, the former president is busy advocating for the rights of accused criminals. It's like cheering for the arsonist while your house is on fire!” giit ni Akbayan Party President Rafaela David sa isang pahayag nitong Martes, Hunyo 11.
Ex-Pres. Duterte, kinondena ‘excessive force’ ng pulisya para isilbi warrants ni Quiboloy
Idiniin din ni David na ang naturang pagdepensa ni Duterte kay Quiboloy ay nangyari sa nalalapit na Philippine Independence Day o Araw ng Kalayaan sa Hunyo 12, ang araw kailan ipinagdiriwang ang kalayaan at hustisya para sa mga Pilipino.
Kaugnay nito, hinikayat ng Akbayan ang mga Pilipinong laging asamin ang hustisya.
"The arrest of Apollo Quiboloy must not be seen as the end, but rather the beginning of holding influential individuals accountable for their crimes. Allegations of rape and human trafficking against Quiboloy demand swift and impartial justice to provide closure for victims and ensure accountability for perpetrators," ani David.
"Furthermore, we emphasize the pressing need for accountability regarding the thousands of lives lost due to Duterte's brutal war on drugs. The widespread extrajudicial killings during his oppressive reign have shattered families and plunged communities into mourning, leaving an enduring mark on the nation's conscience. He must also answer for his treasonous concessions to China and for compromising our sovereign rights in the West Philippine Sea," saad pa niya.
Matatandaang nitong Lunes, Hunyo 10, nang magtungo ang mahigit 100 pulis sa compound ng Kingdom of Jesus Christ (KOJC) sa Davao City upang isilbi ang warrants of arrest ni Quiboloy na inisyu ng Pasig City court para umano sa mga kasong qualified human trafficking cases.
Bukod dito, nahaharap din ang pastor sa mga kasong child at sexual abuse sa Davao City.
